酸
這兩天, 滿腦子都是你. 每每想到以前跟你一起的片段, 心中難免酸酸的. 一想起呂sir的一句說話"他雖然離開了我們, 但他還在某處看著我們呢!" 就漸漸學懂控制自己的眼淚. 我相信, 你真的不想我們為了你而太過傷心, 甚至影響工作. 你一定會希望我們能夠快快樂樂, 有意義的繼續努力生存下去. 你放心, 我會盡我最大最大的努力去為你完成你未完成的工作, 我是非常願意的! 我會努力的去教你的學生. 記得你曾經說過, 你很想我在預科電腦課程中能夠助你一把, 真的! 我相信我有一天, 可以拿著你學生漂亮的成績單來到你面前, 然後代表學生們跟你說:"多謝你!"
對於學校的安排, 老實說, 我是沒有選擇的. 我想, 我本著"你在看"的信念, 我會接受的. 我不是委屈地接受, 而是為學生為學校為你而接受. 我一點都不想在這事中得到任何方面的益處. 但是, 又再次想起呂sir的說話:"在他心目中, 三個老師中, 你又怎知道他不是希望你是他的接班人呢?!" 我不知道你有否這樣的想法, 但是, 從你對我的照顧與疼愛, 我是不會辜負你對我的期望!!
今天早上, 因為不想獨自留在家中, 所以陪同了家人到御皇庭看示範單位, 單位的擺設不算特別, 可能是因為我無特別留意呢. 在看示範單位時, 收到朋友的電話, 我知道這事對他的打擊一點也不少. 知道你倆情如兄弟. 記得他常常都稱呼你為"李仔". 他還私底下的問過我我跟你的關係. 相信你倆的感情更深厚. 我知道你很關心我, 在你悲傷的情緒中, 你也為我想我的前路, 給我一些提點. 我多謝你! 以前, 可能我會誤會你對我的好. 但現在, 我不會了. 知道你前天去看醫生, 醫生給了你一些安眠藥, 你吃了安眠藥才能睡得著. 記得你一句說話, 你說你學懂珍惜身邊所有, 對身邊所有人都好一點. 我很認同.
下午到了城大上課, 感覺不一樣了. 知道自己可能會延遲我的碩士課程, 心情又未平伏, 所以沒有像以前上堂的那麼專心. 晚上約了幾個朋友到銅鑼灣打保齡球. 是的, 我也想發洩一下, 但是我真的沒有玩的情緒. 但記得有一回合, 小毛在我準備打球的時間在我身旁說了一句:"加油呀, 盡情的發洩一下". 那時, 我真的想著你, 想著你正在看我呢.. 然後打出了那個球, 怎知道, 竟然全中了! 我真的差點想哭出來!
回家的途中, 跟朋友說了我的心事. 在街上也哭了一大場, 想起昨天的"基督教香港信義會教師日", 每年都聽見你有多少埋怨這日的無聊, 今年聽不到了. 以及, 在這天, 每年都會頒發長期服務獎予老師. 原來你已在心誠教了15個年頭了. 可惜, 你不能登上這個舞台領獎, 只由校長代你領取這個榮譽. 說到這裏, 我心裏又再一酸..
這幾天來, 謝謝所有朋友給我的安慰.
同事: 呂sir*, 李sir*, 連sir, miss leung, miss fok, 黎sir*, 郭sir, 黃sir, 楊sir
學生: 5a學生
朋友: 小毛*, steven*, amanda, mario, 風箏, penny
家人: 哥哥*, 媽咪
離開
今日唔知喊左幾多次, 亦都無數到今日見到幾多個人喊. 心情還未平伏... 心裏還未接受得了這個事實, 只覺得你是請了病假, 遲些會返... 嗚...........
簡sir, 希望你o係另一個地方活得快樂! 我唔會辜負你對我既期望同厚愛!! My beloved colleague, my respected panel chairman, my dearest and kindest previous class teacher. I Miss You!! 20/9
魚魚.... 嗚嗚.....
魚魚, 係我對你唔住... 點解會咁....
嗚.... 當我知道既時候, 我真係想喊.... 因為我今日要返master, 所以10點半先返到屋企, 一返到屋企就見唔到果兩條啦.... 嗚....
我好想喊... 好想喊...
死左係無得返生, 但係點解你d語氣可以差得咁交關?!! 好似事不關己咁!! 你有無一d同情心架!! 生命o黎架!!!! 嗚....
夜晚朋友打電話俾我.... 我喊到收唔到聲呢.... 嗚.... 點解.... 點解....
魚魚..
今朝一早起身, 同媽咪落街食早餐. 之後去百佳行左陣, 哈.. 終於的起心肝去街市買魚魚啦.... 唔係食果d呀... 係養果d呀.... 嘻.. 買左8條呀... 嘻~~ 咁就使左百幾蚊呀.... 好開心呢~ 希望佢地生活得開開心心健健康康啦~~ 嘻!!
今日突然唸起一樣野... 一個人, 係咪得到一樣野, 就一定會失去一樣野呢?! 好似真係咁巧合咁...
今日又的起心肝做第二樣野, 就係o係屋企溫書... 原本可能會同朋友去唱k打bowling的, 不過唸起, 難得今日屋企無人, 咁我就可以靜靜地o係屋企自己做自己野呢~~
呀, 唔記得講呢, 我禽日去買左個"呼拉圈"返屋企呀.. 同事話可能有助減肥喎... 一日轉15-20分鐘.. 不過我今日轉左10幾廿次就覺得好痛呢.... 嘻...
小寵物
呢個星期返學都無咩特別事發生, 但係3a真係好難攪, 尤其係果幾個男同學, 一d都唔聽人地既意見, 一路都好堅持自己唸既野一d都無問題, 禍從口出, 自己某一科成績好差好差, 一d都唔肯去試, 係一d都唔肯試! 佢仲要覺得自己好岩. 唉...
呢個星期返cityu, 終於都識到兩個同學係, 一個係星期五識的, 叫Nova, 一個係星期六識的, 叫Eric, 呂sir仲o係星期五果堂第一個break就走左人, 我梗係唔會走啦, 難得我聽得明佢講少少.. 同埋呂sir自己睇書都會明, 但係我唔係... 佢仲話叫我把握機會執件好野呢... 真係俾佢激死... 但係我上左兩個星期堂, 開始覺得教maths既professor真係好鬼悶... 同埋個個都好似無備課咁... 照notes講...
今日係中秋節, 中秋節快樂, 我呢個"深閨"既人當然唔出街啦, 留o係屋企都唔知幾自在, 可以o係屋企休息下, 改下野, 又玩下咁... 最近玩緊Now既"
明星三缺一online", 有興趣既可以玩返鋪呢.. 我唸識我既朋友都知我唔係太鍾意出街既呢...
知道左朋友唔開心, 因為家中既寵物去左... 我都好明白你既心情... 我之前都試過養死左隻雞仔... 都係人為既錯誤令到佢無左生命... 當時當然好婉惜, 有d怨自己照顧得唔夠全面.. 希望朋友睇開d啦... 雖然我有呢d經驗, 但係我仍然好想再養小寵物呢...
