忙得開心 + 開始 (06/12/2005)
呢個星期都好忙, 因為今個星期五係出卷deadline, 而我係未出的!! 最主要唔係我唔想出, 而係我根本都唔係好知點出, 所以呢幾日不斷去左圖書館借學校既pastpapers影印, 睇下個cit出卷既style呢..
雖然係忙, 但係都忙得開心, 可能心情唔同左啦... 不過我會控制自己的! ^_^ 嘻! 呢個星期以o黎, 多謝朋友們既時間同問候, 仲有"你"! ~^_^~ 好想記錄和你的每一句!
Park'n Shop + Godiva Chocolatier + Pokka Cafe + Outlook + Signature + VNC + xxx + words on hand + sms + photo紀念日: 2005年12月6日~~
tas + 病 + 中大 + 輕
呢個星期比較累..
不過一定要提既就係, 我終於搵到s.7第4份既tas卷啦.. 好開心, 我知道冥冥之中你係幫緊我的, 所以我都要多謝你! 仲要多謝黎sir, 多謝你陪我一齊落去搵~ ^_^
今個星期病左, 旅行日都無去到, 我知道3a既同學好想我去, 前一日我仲應承同佢地玩集體遊戲, 點知都係玩唔到, 我一早返到學校就set咪, set咪既時候已經唔多妥, 應該係因為前一日坐旅遊巴去大棠跑步, 不過我真係無唸到坐兩程20分鐘既旅遊巴都會咁唔舒服.. 之後同事摸一摸我額頭就話我發燒, 叫我唔好去... 之後就向副校同校長請左假, 送埋3a上車, 點晒人數就同佢地講拜拜啦... 真係唔好意思~
星期五去左中大聽seminar, 都幾悶的, 因為佢d seminar都無d係關於我教既科目.. 所以都無咩心機聽.. 恰下恰下咁... lunch去左carteen食, 叫左碗粥食, 點知要等十分鐘, 個亞叔仲叫我等下啦, 佢要"炒"10分鐘的.... 俾佢激死, 真係想講一句"而家咁既服務態度係唔得架.." 不過算, 唔同你計較, 等左10分鐘, 碗粥真係超難食.. 我唸我食唔夠10口就無食啦... 唉... 呢排食左好多藥, 差唔多有百幾二百粒了... 食到咩胃口都無晒...
今朝一上磅, 輕左兩磅... 跌穿左110了... 都唔知係開心定唔開心....
今日下午約左大學同學去打bowling, 好耐無打過啦, 有兩個幾三個月啦應該... 唔知仲有無過100分既紀錄出現呢~~ 有d期望...
