相識一周年快樂
上年既今日, 戰戰兢兢咁去左同同事食飯... 今年既今日, 好開心咁食飯~ ^3^ 都係食日本野~ 正!!! 開頭唸住去"無國界"食的, 不過最後都係改變左主意, 嘻嘻!!! 只因我地實在好鍾意食日本野. Kee Kee~
今日下午好忙, 做左個Taiwan Sweet Trip既相簿slide~ 整得都幾好~ 又有d特別效果整, 仲可以整screensaver添呀~ 呵呵!!! 坐o係草叢邊對住個notebook一路睇返, 別有一番心情呢~~ 送左6個不同稱呼既BB仔BB女小咭仔... 每張都有特別意思架~ 仲可以串連成一個溫馨既故事添~~ 之後仲有3大粒金莎食呢~~ 呵呵...
夜晚去左接男朋友放學, 都算少少準時啦... 嘻嘻!!! 無遲到一個鐘, 同埋識路搵~ 食完飯就去左打機, 不嬲都禁得幾叻既我竟然都禁錯左3個... 嗚嗚... =P 又玩左bomberman同埋snowbros, 都幾得意呀~ d雪球會溶架... 碌既時候又會碌埋個人的... 哈哈!!! 仲有street fighter... 俾春麗打贏左... 嘻嘻!!! 打完機就去左附近既許留山食甜品(上年今日都有去食甜品架~~), 又經過過九龍公園... 嘻嘻~~~ 之後就搭巴士返屋企啦, o係巴士一路o係度download d歌入部電話度~ 而家先清楚晒龜龜既性別同關係...
今日有人講左3次"跳舞", 又扯左3次手手... 嗚嗚... 我要申訴呀...
同事唱k + "一生中最愛"
今日終於都開學啦. 禽晚睏唔著, 差唔多2點先睏著~ 不過今朝起身都唔算好辛苦, 可能係因為個腦好似都無休息到咁啦~ 一路o係度唸今日上堂講d咩咁...
今年果班係3D, 之前聽partner講呢班好似都係麻麻地, 不過今日見到都算係咁, 但係第一日都已經spot到有d衰仔o係度~ 派下野, 講下野, 排下隊, check下頭髮儀容手指甲, 都已經用左成個上午了, 12點就可以放. 不過放學後我仲留低左10幾個人, 因為佢地今日交唔到暑期功課同埋係repeaters, 訓話左一輪, 最後都成12點半先離開個課室.
上到去room, d人唔見晒, 應該係去晒食飯啦~ 咁我就留o係個room度執野, 執左成個桌面, 又執左少少櫃, 執到3點左右就走啦~ 好累... 因為今日差唔多未坐過咁滯~ 走既時候見到副校, 佢問我今日套衫係唔係新的, 佢話好似未見過我咁斯文喎! 其實我第一年既時候都有咁樣著過既~~ Hee...
執完野就返屋企, 好熱呢~ 隻腳又累, 應該係對鞋唔太舒服既關係啦~ 4點多睏左上床, 睏左差唔多一個鐘, 唸住早d起身沖涼先出去, 最後都係賴床, 無沖到~ 換衫就出門口啦~
今日約左兩個同事+佢地既男朋友出o黎唱k同埋見面, 不過其中一個工作好忙o黎唔到... 我都好耐無唱過k啦~ "一生中最愛", 雖然我對個"最"字感覺麻麻地, 但係... 你咁樣講, 好尷尬怕羞呢!!! 嘻嘻!!! 個k buffet都ok, 不過種類就少左d, 無sushi同sashimi... 都ok飽, 同埋好多腸仔食... 仲有... 兩個班戟... 香蕉同士多啤梨... 嗚嗚~~ =.=" 男朋友仲收到我同事即係介紹人既結婚請帖呢~ 哈哈!! 我之前都有預感佢今日會俾架啦... ^3^
唱完之後就同埋同事一齊搭車返屋企啦~ 都係傾下計咁啦... 但係佢就提起左我前幾日開大會唔開心既事, 越講我越覺得委屈呢... 仲要其他同事都睇得出呢~ 好唔開心... 曾經有dd想喊的... 個感覺好似俾人冤枉咁... 又無路可呻...
做gym九記
今日唸住早d起身的... 點知由10:45賴床賴到12:15... 我都唔想的... 你明白嗎?? -_-"
下午去左做gym, 消耗左300 Calories~ 好累...
聽日係最後一日, 點用好呢?!
校務會議 + "日本沉沒" + 高達
今日第二日開校務會議, 又係好悶咁樣渡過... 中午果餐飯好食過禽日果餐, 有大蝦伊麵~ 正!! 不過下午開完校務會議, 到開數學會果陣, 咁我要執野嘛... 我都無叫panel等我呀, 你咪開始先囉~ 點知佢走o黎同我講, "你開唔開會架? 全世界等緊你喎..." 我覺得佢好無禮貌囉~ 副校果陣又問緊我野... 我又唔係o係度偷懶, 佢咁樣講野好唔掂囉~ 激得我呀!!
開完啦啦聲返屋企沖涼換衫, 夜晚去左睇"日本沉沒", 好耐未睇過戲呢~~ 套戲麻麻地啦~ 雖然最尾果dd都有喊到, 但係個故事都幾有抄人成份, 比較拉長... 所以我覺得只算係麻麻地~ 不過我都唔明點解而家仲有d人咁鬼衰又響電話又講電話!! 係人都知呢種行為係犯眾憎架啦, 而家d電話又一定會有震機的, 都唔知d人係咩心態~~
睇完戲去左食"極之好茶餐廳", 就係上次好好味果間, 今次我又係食車車, 正呀!!
之前唔記得講返... d細細個高達公仔好得意呀~ 仲可以自己砌d武器上去添~ 仲排得好整齊添呀!! 嘻嘻!!
Lansoc Farewell 亞明
今日下午去左同lansoc聚會, 今次有12個出席呢! 勁呀!!
今次係farewell亞明, 因為佢要去stanford讀doctor呢... 真係勁呀!! 仲有知道左亞will o黎緊11月尾就擺酒啦... 佢地都係去台灣影相... 真係恭喜晒呢~~~ ^.^
一開始佢地就打緊桌球, 不過我就同另一個朋友去左遊車河順便接其他人... o係車度一路傾計, 都幾開心呀!! 最攪笑係o係旺角等人既時候停車停正o係d"馬夫"同"流鶯"前面... 攪到講野又唔可以咁大聲, 評論下果d"流鶯"既質素又唔可以咁大聲... 哈哈... 不過真係好核突呢... 成日o係條街度行來行去, 淨係經過我地架車已經好幾次... d衫又著到un下un下咁... eeeeeeeeeee.............
接晒人就坐車去深井食裕記燒鵝, 咁大個女真係第一次去深井... 不過就無我想像中好好食咁... 個亞姐既服務態度仲好唔掂添, 竟然將個茶壺pat落去張桌塊玻璃度喎, 仲整左d水出o黎, 彭一聲添呀... 真係離譜~~ anyway, 今日都好開心呢~~ 同班識左7年既朋友聚舊, 不過唔知幾時再有機會呢... 走下又一個... 走下又一個... ~_~"
食完飯就返去大圍食糖水, 我地12個人, 郁左佢d桌子放埋一齊之嘛, 竟然俾面色我地睇喎... 話佢無芒果, 佢竟然發脾4將成碗野倒晒佢... 真係過份... 食完之後就坐亞明車返屋企lu~~ 亞明加油呀!! 我都要加油呀!! 我既master九月都開始啦~~ Yeah!!!!
刺身 + 鎖匙
夜晚去左同男朋友既屋企人一齊食外賣既刺身, 都幾好味呢~ 仲有果d牛扒汁好正, 撈飯最好食~ 今晚仲食到好飽添... ^.^ 之後就睇下電視, 差d唔記得今晚做筋肉擂台呢~ 嘻嘻!!! 打機仲打到3 vs 0呀... 真係勁~~ 3粒星我都係試過一次咋...
唔記得講, 禽晚收到個"嗚... 嗚... 聲"既電話... 話說一開始對方就講"嗚... 嗚... 今次慘啦... Game Over呀我... 唔夠錢呀..." 哈哈... 笑到我呀~~~~ Kee Kee... 好彩我醒目, 醒起可以o係中途轉返1粒星, 最後, 28 vs 0, 哈哈... 破晒紀錄呢!!! *3*
男朋友話配鎖匙... 嘻嘻... 叫起身~~~ 哈哈!!! 好似幾好提議喎... ~.^
