行街 + bowling
今日同amanda去左又一城行街, 原本唸住早上去游水的, 不過又落左幾粒雨, 所以無游到lu.
o係又一城行, 行行下去到logon睇野, 點知撞到朋友又行緊, 佢約左佢d朋友o係呢度等, 一齊去睇譚詠麟演唱會呢~~
之後同屋企人去左黃埔蔡瀋美食坊食"鼎泰豐", 真係麻麻, 同台灣比真係差好遠, 我覺得翡翠拉面小籠包仲好食過佢... 之後見到有"雷霆保齡", 好開心, 就同亞哥打左一局, 之後我嬴左, 佢俾錢呢~~
固定? Morgan Stanley呀!
唉... 夜晚睇完電視同人傾左陣電話. 識親都係女仔, 唔係咁樣及時行樂, 又話而家要固定.. 咁即係點呢? 仲要唔講. 我個心又開始痛...
今日第二日開學, 下星期一就要正式上堂啦.. 心裏仲好忐忑不安.
夜晚同左同事們一齊食飯, 仲有同事既朋友, 又有同事既朋友既朋友, 老實講, 同事既朋友既朋友都ok, d同事話佢幾好. 說話都幾大方得體, 好有gentleman風度, 條件又好好, o係Morgan Stanley度做technical support, 勁呀!! Morgan Stanley差唔多都係數一數二既公司呢.. 我真係覺得好勁, 仲話應該會轉去匯豐做呢... 勁~ 今晚食左好貴既日式料理, 係同事既朋友同佢朋友請的... 幾唔好意思, 但係佢地又話要請... 唉... 同事們話佢各方面都好過佢好多... 唉...
朋友話打機, 不過我好累, 話唔打啦... 唉... 咩心情都無晒...
暑假回顧
今日最後一日暑假, 返左學校作最後準備, 見到我將會做班主任果班既namelist, 心裏一沉, 連repeaters都係衰的.... 唉~ 上天對我又一次考驗呢! 好大壓力究竟聽日要點樣對付果班生番呢...
聽日要7:30返到開工, 因為聽日開學禮, 我今個年度開始負責左set禮堂既視聽音響器材, 都驚有咩差錯. 錯左d咩會好多人睇住架嘛... 仲有, 今年新開的校園電視台, 我都覺得有點無助, 唔知我有無feel錯, 我覺得好似無咩人幫我咁, 我有d擔心會攪到一pat漿咁...
回顧呢個暑假, 我做左唔係好多野:
已完成的:
1. 中三dreamweaver notes
2. 中四maths 第10,11課notes (仲有12-15課, 同埋中五既都未做..)
3. 中三physics notes update同拎去印
4. 中一電腦scheme of work
5. 校園電視台既部份表格
6. 資訊科技組既部份表格
7. 物理科report
8. 資訊科技組report
9. 備左中五maths第一課
10. 為期三日既中四暑期數學補課
11. 學左禮堂同office套av器材
12. CityU MSAM Master Orientation
13. 生命中不能承受之輕1-208頁
14. 深圳兩天之旅
15. 鋼之鍊金術師1-17集
16. diner dash打爆機
17. 買左bomberman land3, eyetoy同埋塊魂2玩
18. 打左4,5次bowling
19. 唱左4,5次k
20. 游左幾次水
21. 買左dd衫, 買左個袋, 買左條裙
22. 執衣櫃, 書櫃
23. 掉左個用左6年壞左既hp printer
24. 睇晒之前買左既dvd
25. 睇左譚詠麟演唱會
未完成的:
1. 生命中不能承受之輕全本
2. 之前買左既4,5本書都未睇過
3. 中四maths notes12-15課, 中五maths所有notes
4. 同屋企人去食dinner buffet (遲dd會去食...)
5. 買返個新printer
6. 學saxophone (已經擱置左...)
7. 學車 (都擱置埋...)
8. 買dc (考慮中...)
9. 買pocket pc (考慮中...)
10. 溫返以前applied maths既probability and statistics本書
11. 打bowling仲未過100分
都算係咁上下啦... 下話... ^_^
新學年開始啦!! 加油!! 加油!! 加油!! YEAH!
CityU Orientation
今日同同事食飯, 之後返左學校打左d表格, 爭用電腦, 之後就同同事一齊去cityu參加orientation啦, 個orientation都幾攪笑, cityu真係無得頂~ 個department head同programme leader一路係咁"招呼"我地, 叫左我地4,5次食西餅, 又叫我地隨便d.. 可以傾咩都得~ 最好笑係佢話基本上唔會fail人, 有八九成attendance既都應該無咩問題, 因為上堂既時候都會講tips~ 之後佢好似有d後悔講左"tips"呢個字眼, 就話我地d tips當然唔係講考試果d啦, 不過我地考既野都係點樣去solve problem既方法, 而呢d野上堂都會講的.. 哈.. 真攪笑, 之前個head又話唔會take attendance.. 咁佢點知我地有幾多attendance呢~ 奇怪! 今次第一次見到d同學, cityu話收左28個人, 但係今日都係得12個人到, 個平均年齡都幾大, 只係得兩三個後生仔, 仲要12個入面得我一個女仔... 唉~
聽完之後就同同事們去左又一城既翰騰閣食飯~ 一路傾計, 都傾得幾開心呢, 食完之後就齊齊搭火車走人啦~
譚詠麟演唱會
今日開會, 放工之後就去左尖沙咀m記同朋友食飯呢, 因為睇演唱會, 食野之前去左沙田百老匯睇dc, 睇中左samsung i5呀... 幾正呀... 不過2990呀... 都係唸過先....
今晚睇譚詠麟演唱會, 一個字 - 正!! 氣氛ok. 但係佢把聲真係好好聽, 好靚, 佢keep得好好, 仲好吸引人~ 我嗌左好多呢~ 仲同佢揮手呀~~ 不過我地後面果個人就成場首首歌都識唱, 又唱得大聲, 都幾disgusting~ 不過真係好正~ 淨係encore都唱左差唔多10首歌~ 雖然中段有d歌我都係未聽過的, 不過都好好聽, 其中有一首, 雖然佢只係唱左一段, 但係我真係感動到喊呢... 我好記得果一句歌詞, "愛多一次 痛多一次", 眼就充滿淚水, 隔離朋友都只以為我眼睏... anyway, d歌詞真係令我又唸起d野啦.... 唉....
愛多一次痛多一次 - 譚詠麟曲︰童安格 詞︰林夕 編︰盧東尼其實無伴侶 也不必寂寞正好將一切感覺遺忘
如若能習慣
忘掉你 也不錯
我說我不哭泣 所以不難過
＊再次見你 如何可決絕
乾這一杯 卻等於解脫＃
愛多一次 醉多一次 也得分手醒覺後不再回頭愛多一次 痛多一次 誰能忍受一個人痛苦已足夠忘掉誰是我 暗室中獨坐
想當天一切所愛為何
其實難習慣 離別你 也許錯
卻永遠不必奢想你想念我重唱 ＊,＃
愛多一次 醉多一次 也得分手等最後一次白頭愛多一次 痛多一次 誰能忍受一個人痛苦已足夠忘掉誰是我 暗室中獨坐
想哭出一次都不等於難過
游水 700m + 買衫
今朝九點半左右起身, 因為約左amanda去游水... 我游左700m呢.. 不過個池好大浪呢, 所以游得唔係好好. 而家隻腳好累好累呢... 仲有, 今日去左沙田行街, 買左一個袋, 一條裙, 一條褲, 好貴呢.... 我都未試過一次過買咁多錢既衫... 都幾肉赤~~ 不過件裙真係幾鍾意呢~~ 仲有我屋企唔係好多褲, 所以條褲我都想買, 可以替換下嘛~ 個袋都唔算貴呀~
夜晚去左和民食飯, 都食左二百幾蚊呢~~.... 飽到上心口....
但係聽日仲可能會同朋友買dc呢... 唉, 今日使左好多錢... 好多... 呢個暑假d錢... 無晒啦....~~~~!!! T_T
聽日要返工呢... 校務會議第二日~~ 仲有, 聽晚睇譚校長演唱會呢~ 嘻!!!
