Diary typed by Myself...
今日12點半起身, 因為下午要返工, 北區家長講座, 要set hall同埋課室俾個講者同埋d小朋友, 小朋友就o係課室睇"四眼雞丁", d家長就o係hall聽seminar, 今次個seminar係講"愛兒, 寵兒, 教兒", 陳嘉璐醫生兼太平紳士, 佢又真係講得幾好, 雖然我未到果個階段, 但係我都覺得講得好岩, d家長同埋有仔女既同事都話佢講得幾中... 同埋都ok好笑呢~~ 不過我就覺得晒左d, 咁貴請佢返o黎講, 都唔算好多人o黎聽... 如果多d既就抵d呢~ 因為真係幾貴呀... 佢一開始講果陣, 佢話個mic stand唔夠高, 咁我就入去咪房拎另一個俾佢, 佢講左句"咁就非常好啦.. 唔該晒.." d觀眾就o係度笑呢... Yeah Yeah!!
之後我就返左office睇plasma直播, 因為要用錄影機錄影呢~ 咁我就乘機o係office傾下電話... 咁亞黎副校長就笑我呢... 話我拍緊拖唔得閒... =.=" Yeah Yeah... 講左三次電話呢... 嘻嘻!!
個seminar到4點半就完啦, 之後就啦啦聲執野, 因為好眼睏呢... 天氣又熱, 所以都無行到樓梯... 返到屋企就睏啦... 朋友就好勤力呢... 出去拎完眼鏡就食野, 食完野就打機, 打完機就返學, 返完學就打機... 真係work very hard呢~~~~
夜晚睇左兩集"我係小忌廉"就好眼睏, 所以果晚朋友幫我打左下面既日記就睏啦... 謝謝你!
Diary typed by My Friend...
Today, I woke up at 12:30pm and I went to school to work at about 01:20pm. When I arrived at school, I went to setup the hall and classroom no 1. When the seminar began, the speaker wanted to change the position of the microphone up to the stage, but the table mic stand was not high enough. So I went into the room to take another one to "MS HK". She thanked me. Yeah Yeah…. Then the audience laughed at us. Afterwards, I went back to the office and talked "Fung Fung Phone". The Vice-P laughed at me again and said that Mandy was falling in love with Fung Fung…. Yeah Yeah… At about 04:30pm, the seminar finished. I then packed things and left immediately.
No stairs today since very lazy, tired and hot…. When I arrived at home, I went to sleep. ZZZZ…. My friend worked very hard and went to study. Win all the times….. After school play games again.. so happy ^_^ At home , after dinner , I watched siu kei lim 2 parts. Very tired tonight… sleep early….. my friend help me to type diary…. Thanks BB.
朋友, 生日又快樂 + 第五個紀念日
禽日係朋友正日生日, 12點搭正已經打左電話祝賀佢呢~ 齊頭啦嘛, 呵呵...
約左朋友食飯, book左黃金海岸, 不過我早放工, 所以放左工之後就即刻去左上水換智能身份證, 因為貪佢個issue date呢~~ 都無乜人的, 不過都不期然有d緊張~ 連我自己都唔知緊張d乜... ~_~"
之後就去左美心食tea, 平3蚊呢~ 抵~ 之後仲去左KFC食葡撻, 食完行左一陣上水, 撞到3個學生, 3個都陰陰咀笑, 笑得衰衰格格咁... 之後就去左百老匯陪朋友買LCD Mon, 難得下左決定, 點知上水分店無貨, 於是個sales就同我地book左屯門果間果個Mon, 咁我地就唸住去屯門果間度買啦... 不過去之前就去左朋友屋企整d野先... 唸住整15分鐘乜都得啦, 點知都攪左30分鐘, 好難整呢... 整完份禮物, 就請朋友入o黎啦... 嘻嘻... ^_^ 都叫做ok啦~ 之後就試下舒唔舒服啦... 試得兩試...
原定於2006年4月17日既第5個紀念日就轉左做
2006年4月28日 - 第五個紀念日 之 轉換呢個一定好易記呢... 對於我o黎講, 呢個的而且確係一個重要日子, 要好好的記住...無幾耐, 就要出門口去屯門買Mon啦, 朋友既屋企人仲請我留低飲湯呢~~ 鮑魚雞湯~~ 正~~ 可惜我地太趕時間, 無飲到...
去到屯門百老匯, 我就入左去買Mon, 因為我有雙倍cash dollars, 所以check左一陣Mon之後就俾錢簽卡啦... 都平左幾十蚊架... ^_^
買完Mon, 就趕去黃金海岸啦, 去到都唔係好多人, 佢都俾左個窗口座位俾我, 不過個景都係麻麻, d野食, 都算唔錯呢~~ 我今次算係第一次真真正正食生蠔, 因為之前食過果d都係好似吞藥丸咁食法的, 因為我怕佢滑滑地咁, 又有陣海水味... 點知今次食一d都唔同, 今次好正, 即開即食, 我同朋友都食左每人5隻呢... 仲食左好多魚生... 仲有, 佢有d簽可以換燒果d野食的, 都有好多種類, 我地都食唔晒呢~~ 甜品我地都一致認為係所有野最差的... 因為種類唔吸引, 不過有樣野真係好得意... 就係... 兔仔... 隻兔仔好可愛呢... 雖然佢隻耳仔有少少"黑我憎"... 嘻嘻... 不過真係好得意呢...
我地都應該叫做可以回到本呢~ 最後我地都食唔晒, 好飽好飽呢... 我已經好耐無食到咁飽啦.... 朋友仲一路嗌飽一路食... 勁~~
食完之後就去左散步, 傾下計, 好開心, 影下相咁, 雖然係地下濕濕, 不過都無損我地既興致呢~~ 講左d心底話... 我覺得我地既距離又好似近左dd... 唔知你覺唔覺得呢...
今日有好多開心事係唔係o係我有心理準備之下發生的: 1隻手指, 兩隻手指, 3隻手指... ^.^
自覺今次攪生日攪得唔錯呢~~ 有心思~~ ^_^ 真係忍唔住要讚下自己~~ 等我重溫一下先:
第1個: 2006年12月6日 沙田
第2個: 2006年12月17日 大埔
第3個: 2006年12月31日 元朗
第4個: 2006年4月14日 樟木頭
第5個: 2006年4月28日 屯門
Yeah!! Yeah!!
傾計..
禽日下午同d同事傾計... 傾左好多女仔話題呢... 有結婚啦, 拍拖啦, 感情啦, 深刻回憶等等... 好少咁樣傾計法, 有d都好好笑... 聽到其他同事講返佢地既甜蜜經歷, 我都覺得好開心~ 俾著之前我會好羨慕好羨慕, 但係之前我睇左果本書之後, 知道有d野係羨慕唔o黎的, 同埋每個人自有佢地既經歷, 我都相信我會有的, 雖然都仲有少少羨慕, 不過無咁強烈呢! ^_^
傾左好耐, 之後就同同事一齊行呢... 返屋企都無行樓梯, 因為好熱... 返到屋企都係休息, 上下網咁, 媽咪整手撕雞呢... 好好味呀... 我就o係食飯之前"幫"媽咪食左d雞骨, 好正呢... 之後等埋亞哥食飯,又睇左一陣小忌廉, 睇左一陣電視, 但係仲未睇晒叮噹呢... 人地就睇晒啦... 嗚嗚...
圈圈...
今朝唔知醒起身呢... 好眼睏... 今日要睏多d先得.
禽晚仲有一樣野唔記得講... 朋友話買圈圈呢... 好開心呀!!!
朋友, 農曆生日快樂! + 夢夢
今日朋友農曆生日呢~~ 恭喜晒呀~~ 齊頭啦... 呵呵!!!
同左朋友去慶祝, 同埋送左我既第一份生日禮物! 似乎反應唔錯呢~~ 嘻嘻!! 真係有心思架啦~~ 我~~ 不過見到朋友有d苦惱既神情, 不禁令我非常既興奮呢~~~ ^_^ 仲要o係腦度案件重溫添... 嘻嘻!! 呢個都係我既目的之一呢~~~ 呵呵!!!
今日去左食我地傳聞中既"朱古力火鍋", 真係唔錯呀~ 都算抵食呀, 最得意好味都係朱古力綿花糖, 仲影左相呢~ d主菜既味道都ok, 不過可惜係凍的... 如果係熱騰騰既就更加好啦~! 我地o係人地間鋪入面玩得好興奮好開心呢~~ 原來都要15分鐘喎喎喎喎... 哈!! 勁... 5格地方都唸到晒, 好野!! 不過朋友o係呢一方面都真係幾叻, 舊舊拎起都係試一兩下就試到... 真係勁~~ ^_^
食飯之前我地去左睇LCD Mon, 我都去左豐澤買左電器禮卷, 因為要幫同事一齊買埋呢, 同事結婚嘛~ 之後行左一陣商場, 又行左一陣野食街... 之後就去左打機啦... 玩左好多野~~ 水族世界, 料理大師, 百萬大問答, 超級比一比, ..., 仲有恐怖版新拍拍機呢... 我地仲見到人地玩用腳按掣既拍拍機, 好好笑呢... 我就唔敢玩呢... 因為跳得唔好睇呢... 嘻...
之後就返屋企啦... o係巴士度... 朋友真係勁... 咁都可以攝到... ^3^ 俾個叻你!!
B....... K... 嘻嘻!!! 有意思~~~
一定要提既一樣野... 好重要... 就係禽晚... 即係今朝既零晨時份, 我... 終於發到我同事發到既夢啦... 有同同事握手的... 有一齊飲野的... 有影相的... 有白色既衫衫的... 又有未成功減肥既身軀... 仲有就係朋友既笑臉呢... 好野!!! 所以今朝一到時間就即刻話俾朋友聽... 好開心!!!
行樓梯12又22分之4
今日好忙好多野做... 全日不停set野, set野, 再set野.... 見麻煩家長, 罵學生... 無停過... 今日完全無坐過落room果張椅咁滯... 放學後又有中五既同學返o黎問數...
返到屋企, 因為好熱同好累既關係, 所以容許左自己懶一日, 無去行樓梯, 不過我坐lift時, 按左18樓呢, 因為行4層應該無問題... 不過行到上去20樓時, 睇到上面果層有人o係樓梯口打緊牌... 所以就無再行上去, 就過去對面條樓梯繼續行呢~~
返到屋企都好熱~~ 咕...
行樓梯12 + 激氣 + CE CIT
今日無堂, 主要都係lunch set野, 因為有English Culture Exchange既New Dawn Team o黎左, 佢地lunch要直播去課室等學生睇佢地唱歌, 都唔係好多野, 5支咪.. 不過聽日就慘啦, 佢地話要做話劇, 即係要話劇咪, 要開"大牛龜"呢...
課室要投票, 係咩專業操守協會果d投票.. 之後有家長打電話搵我... 都知呢個家長係麻煩架啦... 點知真係好麻煩, 仲好離譜添... 耳仔受罪左一個小時... 佢都打橫o黎講既, 佢教到自己個仔中三, 連自己起身拎衫去換然後返學都唔得, 要亞媽或者家姐拎埋俾佢先肯返學, 你做亞媽既都仲可以幫佢辯護, 自己根本就縱壞晒個仔, 個亞媽竟然連遲到要俾老師罰都話唔知, 佢都傻既, 個仔都明明承認左自己有幾日根本就唔係因為病而唔返學, 而係因為唔想返而唔返, 個亞媽都仲要話個仔講得唔岩, 話個仔係病先唔返... 佢都唔知係咪當個仔白痴架... 呢個世界上有d咁既亞媽, 真係悲哀... 聽日朝早9點仲要見呢個家長, 真係激氣!!! 一路講電話一路講到我氣頂, 條氣頂住晒... 真係想罵佢!!
講完電話就返上room, 咁岩同事講緊下年既編堂, 今日又聽到校長好似同副校果d傾話要開始唸下年既堂點樣編法... 唔知會點呢... 之後同事又講緊是非... 不過被講果個同事又係幾過份... 如果件事係真既, 我覺得個同事真係"唔掂當"囉~~
今日考會考cit, 考完之後有個乖學生拎左份mc卷俾我睇, 我做完之後都覺得唔係好難, 不過question就唔知啦.. 我班學生話paper2(multimedia)好難... 不過佢地竟然話應該可以合格... 連我既目標唔合格人士都話自己合格, 我都唔知應該安慰定係仲擔心呢...
返到屋企行樓梯, 行完都係即刻沖涼... 之後就休息啦...
行樓梯11 + 瘦左 + 我係小忌廉
今日無堂, 不過要set野俾人綵排, 週會時做錯左野... 又學多左一樣野, 果然係從錯誤中學習... ~_~"
呢個星期日日都有野要set, 因為又係特別上課日, 真係特別多活動, 每日都有2個或以上既call... 仲有d係臨急臨忙話要做的... 芝麻綠豆既事都關事...
之前有個同事叫我報定websams既course上, 我都已經睇晒, 好彩我唔報住咋... 今日佢同我講話叫我都係唔使報啦... 因為副校分左websams俾第二個同事跟... 唉... 岩既~
今朝o係個room度, 好多同事都話我真係瘦左呢... 係下半身瘦左... 不過我自己真係一d都唔覺... 嘻... 我唸咁多同事同埋朋友都覺得係... 咁就應該係卦~~~ 好野!!! d同事仲講笑話問我食錯d咩攪到痾左咁多, 佢話佢又去食喎... ^_^
今日4點多返屋企, 見自己好返d, 就行樓梯啦... 又累又熱呢... 返到屋企即刻沖涼~ 舒服晒~竟然俾人話我x氣... 又話我暴躁... 嗚... =.=" 激死...改左一份功課, 係easter之前的~ 好快改完...夜晚就開始睇之前去大陸買既dvd"我係小忌廉"... 連續睇左6集啦... 好好睇呀~ 可以重溫返以前細個既卡通片... "神仙棒... 神仙棒... 快d變"... ^_^
XX...
同朋友去左食糖水... 雖然只係熱的, 但係都有我份呢~ ^_^ 聽日我就食完晒d藥啦, 即係聽日我就可以食朱古力, 後日就可以食薯片啦... 期待中...
朋友話想買XX俾我... 話我好似無咩野係手咁~
都有dd開心呢~~ ^.^
為什麼男人想離婚, 女人愛結婚 結局篇
以下係我o係書入面度節錄出o黎的... 部份都講得幾岩... 又睇完一本書lu~ 勁~~ 最好笑係第3... 連我呢個咁多野唸既人都覺得會唔會唸得太多呢?... 最後果句真係笑左出o黎...
1. 過份的關心, 過份的要求互相坦白, 令男人產生被約束的感覺.隱藏一點秘密, 收起性格的一小部份, 是男人保存自我的方法.男人的秘密, 女人知而不問, 反而最好.
2. 男人沒拖拍時, 有可能找個對他有好感的女人, 過著類似戀愛的日子.親密的言行, 對他來說當然有滿足感, 包括了女人意亂情迷的反應.
3. 關於戀愛的問題: 女人在戀情開始時, 總會想得太多.他是否真的愛我? 有多愛我? 這愛會否來自剎那衝動? 我們的愛會維持多久?他可以讓我得到我需要的愛嗎?我是否如他想像般可愛? 如不是, 相處日久, 他發現了我非如他想像般好, 會怎樣對我?得到我之後, 他對我的熱情會冷卻嗎? 男人都是這樣, 未得手前想得美, 得到之後, 又覺不外如是, 他是這種人嗎?為什麼我會被他感動? 我是否一個易被男人感動的女人?不是他, 是另一個男人向我表白, 我會否一樣容易接受?我是否已真的接受了他? 事情還有彎轉嗎?我是個自相矛盾的人, 特別在感情問題上, 我到底想要什麼?沒拖拍時, 我渴望拍拖, 但到開始了, 我居然覺得我還未準備好, 為什麼?我到底愛不愛他? 如果不愛, 為何時時刻刻記掛著他, 好想見到他?我是一個很麻煩的女人, 他今天熱情如火, 不會介意, 將來呢?我們的戀愛應否儘快結束, 讓美好的日子長留心裏? 為什麼戀情開始了, 我好像還未真正下決定?他會覺得我是個反復無常的女人嗎?我不如提出暫時停止發展吧, 他應該沒損失的, 男人嘛, 趁未陷入深淵, 及早自拔會不會好些?如果我提出就此打住, 他一口說同意, 怎辦?那表示他其實不愛我嗎? 我是不是蝕了底? 今天男女平等啊, 女人做了什麼也不應叫蝕了底吧?可以不再想下去嗎? 女人真煩.為什麼連我自己也覺得自己很煩?我好像想通了, 不是嗎? 感覺好起來, 原來一個人比有拖拍簡單好多, 不是嗎?如果他打電話來約我, 我會推掉不見他, 我會嗎?喂, 對, 我是, 我也好掛住你, 唔... 那十分鐘後樓下見...我有問題嗎?
4. 我們需要被人需要, 才覺得自己重要.
5. 愛情是一種感覺, 感覺對了就該好好經營, 好好珍惜. 外人的意見只是個參考, 卻不是個藉口.
為什麼男人想離婚,女人想結婚?
禽晚好夜先睏... o係度睇叮噹同埋睇書"為什麼男人想離婚,女人想結婚?", 係好耐之前買架啦, 都幾好睇, 係講d男女之間既相處, 同"男女大不同"差唔多, 不過呢本就口語d, 同埋無咁多理論... 其實男人都唔係真係想離婚既, 多數都係因為佢地既女人成日做左d男人唔鍾意既野姐... 淨係禽晚都已經睇左100頁啦... 入面講d野都有d幾有同感的, 不過都有d令我有反省既地方~ ^_^
禽晚都有同朋友傾icq, 傾得幾開心呢~
2點睏上床, 差唔多4點先睏著... 朋友3點先返到屋企, 仲同我傾左半個鐘電話呢~ 謝謝你~ dup完骨又睇完波, 應該舒服左好多! ^_^
今朝10點半就醒左, 因為媽咪同老豆出門口去探亞麻, 我原本都唸住今個星期去探的, 不過媽咪話我仲病緊就唔好去, 話老人院都好多菌的... 叫我下星期先去~ 醒左之後就睏唔著啦~ 所以就起身睇報紙同埋繼續睇書, 我唸睇一陣間應該會再睏過...
