自憐
今日係我知道呢件事情既第五日. 禽晚同朋友訴說, 說出了我屈o係心入面好耐既說話. 我唔想o係度寫果件事出o黎, 我唔想再講呢件事. 我知道我一講就會喊. 我禽晚都好辛苦先忍得住.
自憐? 我何嘗又唔覺得係?! 我覺得自己呢x年o黎好可憐. 我唔太清楚自憐既意思, 係自己憐愛自己? 定係自己覺得自己可憐? 我咁大個女, 第一次覺得自己可憐. 當然, 我比起一d兩餐唔得溫飽既人幸福. 但係我今時今日真係覺得自己好可憐.....
多謝朋友明白我. 請容許我將五日既眼淚流下來.
二月的最後一天 - 可以做個了斷嗎?
禽日一早同個friend出去金鐘"補鐘", 係急救既半日課程, 今個星期五就補考啦, 希望今次得啦.. 之後去左峰壽司食野, 再去食"haagendaz"雪糕, 我咁大個女都未試過o係街度咁樣食雪糕法, 淨係食果個三球雪糕都食左58蚊呀... 仲食到好飽好飽添, 不過個濃情朱古力同意大利芝士餅真係幾好食, 好香呢.. 以前都唔會有人陪我咁樣食法, 多數都係就住就住, 今次就食得好盡情呢~~ 不過都幾貴~
夜晚就去左同lansoc同亞will食春茗, 去左旺角既泉章居, 都ok既, 不過我好累呢, 同埋都有d頭痛.. 食完之後就返屋企lu.
今日, 係我病假後既第一日返學, 因為禽日由朝去到晚, 所以都好累下.
今日, 都算係我一個重點唔開心既日子, 我好想喊出o黎, 但係我叫自己唔好喊, 我唔想見到自己咁樣, 所以死忍! 呢個人, 我之前已經知道有佢既存在, 雖然我仲未可以確實100%知道晒事實既全部, 但係我唸都相差不遠. 你之前對我講既所有"真情對話"唔通全部都係假既?! 我似乎唔可以再叫自己去相信你係一個好人, 我知道o係我深心處, 你仍然有你既"地位". 但係, 我真係有試過, 好想過真真切切咁去忘記你, 我知道只有咁樣先可以幫到自己. 但係我知道我d朋友都係會唔信我. 我明既. o係我心目中既你, 雖然唔算好好, 但係我都從來無唸過你係一個會咁樣"利用"人既人. 雖然我唔知咁樣係唔係事實, 但係我唔想做一個盲目, 什麼都矇然不知既人. 我唔知我既前路應該點樣走.
知道左呢件事之後, 我開始對你同我講既每一句關心既說話都起左一d懷疑. 我講唔出我懷疑d咩, 但係我知道, 我短時間做唔到咩事都無發生過. 就好似而家咁, 我今日可以強忍我既眼淚, 到我而家寫日記, 面對自己既時候, 我唔想再忍.
