基督教香港信義會教師日 - 美麗華酒店
今日晨早返學校搭校車去美麗華酒店, 無去到同同事食早餐~ o係屋企食左兩啖面包就走啦... 返到去就上車, 有同事遲到呢, 又係果個... 之後就塞車呢, 去到都未開始~ 今日果兩個講者都ok, 第一個講得好d~ 第二個... 我就忍無可忍睏著左, 係咁中... 之後就係頒獎, 我地學校有10個人拎長期服務獎呢~ 有兩個20年, 有8個15年~ 勁呀!
經過兩次既咕咕聲, 終於等到開餐啦~ buffet我o黎啦!! 不過食左兩三碟同飲左一碗湯就好飽好飽啦~ 連生果都食唔到~ 食緊既時候有抽獎, 首先係抽桌上面既三個獎: 三聯$50 coupon, 千色店毛巾, 暖水樽, 之後就抽台上面既獎啦~~ 我不嬲都無抽獎運的~ 所以都無咩抽到獎既心, 之前都會有d期待的~ 佢抽獎既方法係, 桌上面有12張寫左"最喜愛既工作"既紙仔: 進修, 備課, 見家長, 派飯盒, 輔導, 記優點, 點名, 站崗, 帶隊, 評估, (仲有兩個唔記得左), 咁d同事就係咁塞張"進修"俾我, 我係都唔肯要, 因為進修好辛苦的, 唔老黎嘛.... 點知我fing返張紙出桌面既時候, 佢地再選過, 最後... 都只係剩返"進修"俾我... =.=" 無計~ 之後抽到唔知5定6個獎既時候終於抽到"進修", 我果時係盛緊忌廉湯, 聽到"進修"時, 都無啦啦聲返去桌, 因為都唔方係我架啦... 然後再抽桌號, 咁我就岩岩盛完, 就慢慢行返返去, 行左兩步, 個司儀就話"2+4, 廿四", 咁我就即刻拎住碗湯潑下潑下咁跳返去, 仲潑左d落地添... 好彩隻腳縮得快... 彭一聲放低碗湯就出去拎獎呢... 好意外呀!!! 仲要影相呢~ 獎品係慢寧同埋屈銀錢各$100現金卷, 第一次抽到有大獎呢~~ 好開心~~ 不過就好緊張, 驚魂未定, 隻手仲震緊... d同事就係咁問我係咩o黎, 我就手震震咁開個信封... 好彩佢地無留意我震姐... ^_^
食完之後2點3, 返屋企lu...
男朋友原本話o黎接我的, 不過... 休息緊要呀~ 我都明白放假係想休息下的~ 所以都係一個人返屋企~ 好叻呢~ 自己搵到行去搭270A, 不過好累呢... o係車度到沙田左右就睏啦... 睏醒岩岩係落車個站, 嚇死... 啦啦聲衝落車... 好彩落得切...
返到屋企即睏... 好累...
******************
知道左朋友既事, 希望你可以盡快recover, 因為佢唔值得你為佢唔開心咁耐~ 不過, 我有信心你係做得到的! ^_^ 香港唔算好大, 總可以搵到岩自己既人同痛錫自己既人的!! I am supporting you and just next to you.
料理大師 + 小型炸彈燒
今日見面食飯呢~~ 嘻嘻!!! 一開始去左打機, 料理大師第一次打爆機啦~ 勁呀!! 我係乙級廚師!!! Yeah Yeah!! 又玩左mario cart, 輸左呢... 人地停左o係度最後都羸我... 嗚嗚... 你平時駕開車之嘛... 一定係關事... =.="
去左食"意房菜", d service都幾好, 野食都唔錯... 不過食飯前我地去左食"小型炸彈燒", 所以食唔晒呢~~ "小型炸彈燒"好好味呀!!! 不過貴左d~ 成NT$ 100... 嘻嘻!!! 六福村... 最後一日啦... 呵呵~~
走既時候去左睇電話, K800i好似真係幾正~ GGG~~~ 又去左睇寬頻service, 不過都係得一個choice~ 之後去左青年會toilet, 返屋企lu~
聽日要晨早去美麗華聽seminar, 中午有buffet同埋抽獎, 我年年都無試過抽中呢... 唔知今年有無運呢~ ^_^
好激氣呀!!!
今晚返學好唔開心, d野已經唔明架啦, 個lecturer又講得快, 抄得o黎根本就一d都聽唔到同明唔到. 佢個身又遮晒佢寫d字, 寫完又唔行開, 係咁遮住個白板一路講, 點鬼知佢講咩姐!! 都痴線的!!
講左1個半鐘, 佢就話講完今日要講既野, 咁就用15分鐘o黎講功課... 講功課仲衰, 抄得超快, 佢自己對住個白板係咁寫係咁寫, 寫完又遮住唔俾人睇, 佢就淨係望住個白板係咁up, 我第一次上堂上到想罵人!! 我同我同學講: "佢都唔係教緊我地既, 佢教緊佢自己!", 我同學就話: "佢都唔係教緊佢自己, 佢教緊塊白板!!!" 即刻笑左出o黎, 點解上到master都仲有呢d"老師"存在, 根本都唔係教的!! 離晒譜!!!! 其他d同學仲要好似明咁, 仲要講埋"果個variable呀嘛"呢d說話... 救命呀!!! 個lecturer咁教法唔係真係明下嘛!!!
好啦, 用左15分鐘"教"3題, (相信大家都知用平常既速度係無可能做到3題master既數架啦!) 之後就話餘下既一個鐘就去math lab度教matlab, 佢話佢係教d basic野, 話未用過matlab既人先去, 用過既就唔好去, 原因竟然係因為: 個lab唔夠位坐晒咁多個人!!! 都痴線的!!! 仲要話佢都唔記得個lab既number係咩, 淨係知好近佢office, 行去個lab果段時間, 就係我地既break... 去到, 已經無晒位, 一眼望入個lab, 一睇就知只可以容納到唔夠30個人, 我地班o係課室度既時候都已經坐滿晒架啦, 佢都傻的, 佢話去搵凳俾我地喎, 但係又無得用電腦做, 咁坐o係度做咩呀!!!!! 都痴線架!!!!! 所以, 同同學一致決定走人!
我覺得個lecturer好唔掂!!! 而家好憎佢!!!
打完呢篇日記都不足以令我洩憤呀!!!!! 哇~~~~~~~~~
過關?!
今日夜晚要返學上堂, 但係個心一路唸緊其他野, 集中唔到精神... 淨係o係度抄notes, 無聽到書... 男朋友同我講左d野, 咁... 叫唔叫做過左關呀?! 嘻嘻!!! ^3^ Yeah! 好興奮!!!
BBQ + 影相
今朝起身打左一陣winning, 之後就去左上水食tea, 好多人呢.. 朝早磅重時輕左呢.. 唔知點解~ 著左背心短褲, 嘻嘻!! 撞到學生, 好彩佢見我唔到呢~ :P
食完tea之後就去左附近既百佳買零食野飲, 之後就起程去大埔大尾督影相同埋BBQ啦~ 好野!! 又完成多一個願望啦!!! ^3^ 仲有, 突然間醒起, 今日又係17號呢... 9個月前... 就係第2個紀念日啦~~ 呵呵!! 真係岩呢~~
去到太陽都已經落左山啦~ 都影左少少相, 仲o係個海邊度玩左一陣"片"石仔! 好勁呀! 我第一次片到舊石仔跳左兩下呀!! 勁開心~ 男朋友都好犀利呢~ 不過龜仔就好曳, 自己跳左出o黎想落水玩喎! 好彩見到咋~ 如果唔係... 都唔敢想像... 我地仲買左泡泡吹呢~ 好勁呢~ 有大有細~ 講到吹泡泡都係我勁d, 幾大既波波都吹到!!! Kee Kee... 不過就俾d蚊咬左兩啖... 好痕...
之後就去左之前帶過學生去既船灣淡水湖既水霸, 同左龜仔影靚相~ 又吹左一大堆泡泡~ 吹完就去左"大草原燒烤場"度BBQ啦~ 食左好多野~ 樣樣都好好味, 由其係雞翼同埋牛扒, 個老闆仲同我地講佢地中秋會有function攪, 有抽獎, 如果要位就要早book, 同埋如果想食d特別野就可以預早3日打電話俾佢問, 之後再同我地報價, 岩既又平靚正就可以同我地book埋~~ 都幾好, d野都好乾淨又好企理. 開頭坐左o係個草地度, 都幾靚, 之後就搬左入去可以睇電視呢~ 仲有波睇, 車路士 vs 利物浦, 勁呢~ 不過... 要矇矇眼先睇到... *.*
BBQ到9點幾差唔多10點就走啦~ 好飽... 好開心... 又好滿足...
已經唸好下個星期既節目添呢~~ 哈哈!!! 睇睇睇!!!
