Our Lives

BBQ + 影相

今朝起身打左一陣winning, 之後就去左上水食tea, 好多人呢.. 朝早磅重時輕左呢.. 唔知點解~ 著左背心短褲, 嘻嘻!! 撞到學生, 好彩佢見我唔到呢~ :P
食完tea之後就去左附近既百佳買零食野飲, 之後就起程去大埔大尾督影相同埋BBQ啦~ 好野!! 又完成多一個願望啦!!! ^3^ 仲有, 突然間醒起, 今日又係17號呢... 9個月前... 就係第2個紀念日啦~~ 呵呵!! 真係岩呢~~
去到太陽都已經落左山啦~ 都影左少少相, 仲o係個海邊度玩左一陣"片"石仔! 好勁呀! 我第一次片到舊石仔跳左兩下呀!! 勁開心~ 男朋友都好犀利呢~ 不過龜仔就好曳, 自己跳左出o黎想落水玩喎! 好彩見到咋~ 如果唔係... 都唔敢想像... 我地仲買左泡泡吹呢~ 好勁呢~ 有大有細~ 講到吹泡泡都係我勁d, 幾大既波波都吹到!!! Kee Kee... 不過就俾d蚊咬左兩啖... 好痕...
之後就去左之前帶過學生去既船灣淡水湖既水霸, 同左龜仔影靚相~ 又吹左一大堆泡泡~ 吹完就去左"大草原燒烤場"度BBQ啦~ 食左好多野~ 樣樣都好好味, 由其係雞翼同埋牛扒, 個老闆仲同我地講佢地中秋會有function攪, 有抽獎, 如果要位就要早book, 同埋如果想食d特別野就可以預早3日打電話俾佢問, 之後再同我地報價, 岩既又平靚正就可以同我地book埋~~ 都幾好, d野都好乾淨又好企理. 開頭坐左o係個草地度, 都幾靚, 之後就搬左入去可以睇電視呢~ 仲有波睇, 車路士 vs 利物浦, 勁呢~ 不過... 要矇矇眼先睇到... *.*
BBQ到9點幾差唔多10點就走啦~ 好飽... 好開心... 又好滿足...

已經唸好下個星期既節目添呢~~ 哈哈!!! 睇睇睇!!!

posted by Mandy @ 11:31 PM