婚婚婚... =.="
禽日下午空堂, 同事同我傾左少少計, 佢話以佢過來人既身份, 同我講... 如果係認定左係呢個人既話, 就快d結婚都唔怕... 其實我明白點解佢咁樣講既, 不過我覺得都未必符合每個人既唸法既. 我就唔係好同意咁樣. 當然, 如果你認定左係呢個人既話, 你會放晒全副心機落去呢個人. 不過結婚, 我覺得唔係咁兒戲既事, 我需要經歷, 我需要兩個人相處既種種經歷, 太少既事發生o係兩個人當中, 以後好難會令到兩個人有共鳴, 就係好似"心靈相通"咁. 兩個人相對耐左, 就會慢慢了解對方想要d咩, 從而去學會為對方付出d咩野. 仲有就係學識點樣去遷就同埋理解. 有一d問題出左o黎既時候, 大家真誠剖白過後, 要點樣去調節自己既日常生活習慣等等. 呢d都係當你係認定左呢個人先會唸既問題, 我唔覺得一認定左就要即刻結婚. 當然你話珍惜同埋爭取時間, 我覺得係岩既. 不過我覺得要去到結婚, 一定要好有安全感先得!放學同就快結婚既同事一齊走, 佢同我講左好多佢地既野直至而家就快結婚既過程... 不過我硬係覺得有d怪怪地, 可能我唔係你地果個階段啦! 嘻嘻!! ^_^ 不過呢排同事們成日都圍繞結婚呢個話題講... 唔通人真係大左就要成日講呢個話題?!
posted by Mandy @ 4:12 PM
0 Comments:
Post a Comment
<< Home