忙
呢幾日都好忙, 攪班務, 改簿, 備課, 罵人, 仲有打電話俾家長, 第一次測驗24個人唔合格, 所以要打電話俾佢地既家長講... 用左成個半鐘... 已經叫做快呢... 無乜長氣既家長~ 不過全校得返我一個未走, 果時都成6點9差唔多7點lu...今年果班3D都算ok, 起碼佢地都叫聽教, 罵得兩罵都識驚~ 同上年果班... 差得遠... ^_^
city果度, d數好難... 同事就好勁, 好驚呢~ 希望唔好唔合格就好啦...
禽晚同左屋企人9:00去打邊爐, 好平呢... 4個人好飽都係200幾蚊... 抵呢.. 不過成10點半先食完, 所以今朝起身個腸胃唔係好舒服, 有d想嘔, 我feel到個胃入面仲有d食物o係度... >.<
聽日放早呢...
posted by Mandy @ 1:21 PM
0 Comments:
Post a Comment
<< Home