夜走呀..
今日好累呀... 又係7堂... 聽日又要做司儀呀... 小六升中家長講座.. 都幾緊張呀.. 原來有成180人呀....
今日好夜下先走... 不過都仲有人夜走過我, 有人都成7點先走... 最後都係俾校工趕先走咋.....
今晚打左一鋪機. 好耐無打過啦.... 都打得幾開心....
聽到有人讚我, 固之然係開心既. 不過個壓力都幾大... 希望我可以學識去減壓啦... 謝謝你!
校長讚我呀!!!!
今日臨走之前, o係校務處見到校長.. 今日係中四uniform test... 校長都有入o黎睇4a測成點.. 之後o係校務處前, 校長讚我呢... 佢話我教得好生動呀.... 其實禽日佢睇我堂既時候, 我只係對緊卷.. 我指出佢地成日錯o係d咩唔抵既地方... 同佢地講笑... 點知個學生串我.... 我又忍唔住笑, 校長都笑... 點知佢今日話我教得生動呢... 話我解釋得好清楚.. 好好呀咁....^_^ 好野!! 不過唔知佢地個uniform test測成點呀.. 都有d擔心..
今日同d同事去食左tea, 都有坐同事車... 傾下計咁啦... 不過我係有d意外呢....
衰左
今日衰左, 衰得都幾徹底..
今日上兩堂4A maths, 點知校長入o黎睇堂... 佢都好耐無入o黎睇過我堂架啦..... 今次真係睇左差唔多成堂... 我今堂都係對卷咋, 同佢地講返佢地錯埋邊d冤枉野... 點知個學生笑, 想串我.. 之後我講笑話叫個學生掌咀50下.. 之後有個女同學笑返問我, 咁咪掌到落堂都未掌完.... 我又忍唔住笑... 點知我好清楚咁睇到.... 校長都mat大個口o係度笑呀.... -.-""" 激死.... 佢一路睇我堂, 一路o係度話d學生, "你條鈦整好佢", 好衰唔衰有個學生爬低左, 之後佢好惡咁就叫左個學生出去.... 佢成個課室咁行法, 又同d學生講, 做咩咁低分, 要俾心機.. 唔, 都幾好, 下次要再高分d之類既說話....
後尾佢走左, 都差唔多放學, 連sir要留佢地, 之後我唸住鼓勵下佢地聽日uniform test啦... 點知講錯野... 我想講希望你地聽日uniform test少過5個人唔合格啦... 點知講左希望你地聽日uniform test少過5個人合格啦.... 成班o係度大笑.... 我仲係要呆左陣先發覺..... 唉..... 老囉......
講大話.
岩岩睇左份即時明報新聞, 佢話講大話比說真話用腦... 都係架, 因為你要唸下點樣可以瞞天過海, 梗係要花多d"腦力"啦. 佢仲話同個腦做影可以好高percentage咁測謊呀.. 我都想試下, 起碼可以知道自己深深處究竟係點唸既... 唔使自己死唸爛唸唸得咁辛苦~~
好多老師借左書俾我睇呀.. 因為前幾日我o係商務同埋大眾書局既網頁度search"勵志讀物". 搵左50幾本書都幾想睇, 我只係憑書名去tick架咋.. 不過d老師知道我想睇邊類既時, 所以佢地借左d佢地買左既同以前睇過既俾我睇. 我一定要加油, o係書本上睇下其他人點樣唸, 點樣去將"愛"定義, 點樣睇"生活".
今日同d同事傾開334之後既前路.. 原來校長已經編好晒d老師既崗位, 但係d同事o係八既過程當中無問到我既前路係點... 唉... 算吧啦, 都係灰架啦... 幾時會輪到我呀... 好似d同事咁講, 曼下手我要轉field添... 不過轉行都唔知可以做咩... 我唸我應該暫時都可以捱到334前卦... 334之後, 到時2008年, 果時都成差唔多30歲, 仲轉乜鬼到行呀....... 唉........ 人地個個都已經唸定自己點啦, 我就好似前路茫茫咁, 唉..... 有苦自己知...
結婚禮物...
今日返學, 一入到3A課室, 有位同學送左個盒仔俾我, 佢話入面有幾粒糖, 好好味的.. 我問佢仲咩做俾我. 佢話因為佢表姐結婚, 佢表姐就叫佢拎一堆咁樣既盒仔派俾d朋友, 因為佢表姐希望個個人都開心... 我有d感動.. 收到一份咁樣既小禮物, 係出自一對新婚既夫婦, 佢地既目的係想個個人都開心... 好好既idea.. 第時如果我有幸結婚, 而我又afford到, 我都好想咁樣送一d裝住糖又好靚既盒俾好多人, 唔識既都送... 好似好幸福咁...
今日見到d同事, 我都唔敢同佢講野, 因為我驚"得罪"人. 不過同事都有主動問我野同同我講野, 我都無咁擔心. 同事臨走既時候, 都有拍拍我膊頭講"唔好意思, 我好趕住走, 要走先啦.. 拜拜"... 我好意外佢會咁樣同我講.
今日上4堂physics, 都幾開心. 聽日仲有2堂physics, 2堂3A Maths, 1堂4A Maths. 我都係覺得上3C堂比較親切, 唔知點解, 當我tum到佢地開心咁笑既時候, 我都會好開心..
見面
禽日有個朋友約左我傾野. 我見到d公仔係好感動, 忍唔住喊. 我聽到你講既野, 都好感動. 但係你可唔可以直接d同我講你想點? o係我地而家呢段關係中, 你想做d咩? 我get唔到你想做d咩.
你話我太保護自己, 咁你何嘗又唔係呢? 我咁講唔係怪緊你. 但係我想你知道, o係我地而家呢個關係中, 我有必要保護自己, 你都係.
你話自己應該係最清楚自己想點既人. 但係我而家真係唔知自己想點. 我唸你可能都係未知道自己想點, 所以無好直接咁講. 但係而家, 我真係唔可以好清楚咁話俾自己聽我想點. o係咁唔清楚之下, 我又點可以話俾你聽我既唸法呢? 我想攪清楚自己係點唸既, 先同你講. 我唔想再有咩差錯. 所以我咁堅持唔要一個時限. 我想唸掂自己點唸先, 先向你表達. 如果我唸清楚, 我又點會吝嗇於唔去同你講?! 你可唔可以相信我呢一點?
一段4年多既關係, 我都好掛念, 好留戀, 但係掛念唔代表d咩. 我唔想因為掛念而做某一d決定, 一段時間後, 又再重複錯誤. 我唸你都好同意.
你希望我可以開開心心咁生活落去. 我都好衷心希望你都係. 不過我果時實在開唔到口講.... 唔好意思....
