大熊本 + 賭棍 + 迷團...
今日終於見面lu~ 嘻嘻!!o係學校做到5:45先走, 之後就搭火車出去食飯~ 約左o係"唆哈"門口等.. 嘻嘻~ 我原本唸住5:30出門口的, 點知遲左出門口都趕得切~ 好彩姐... ^_^
見到面... 嘻嘻!!! 扮唔識... 睇新聞... Kee Kee... 跟住個感覺就好似俾旁邊既一個陌生人突然間拖住隻手咁... 哈哈!!! 之後就去左打機~ 不過竟然無"唆哈"玩呢... 一落去, 已經唔見左龜女啦... 嗚... 唔知係咪俾人拐左去呢... ~_~" 超級比一比又打爆機啦~ 勁~ 去睇左電話個價, 好似跌左少少呢, 又去買返個joypad, 之後就去左食大熊本啦... 個和風金龍卷好味呀!!! 仲有甜蝦同焗蠔都好味呀!!! 食完野之後又睇左d電話書... GGG~~~
原本食完野唸住再去食"炸彈燒"的... 但係好似都夠飽咁... 所以... 就無去到食啦... 去左第二間打機, 今次有唆哈啦... 不過d煙味好勁好勁, 勁到我隻眼覺得有d唔舒服... ~_~" 不過玩唆哈讓左好多鋪呢... 次次都係賭鬼... 最後一次... 終於升grade啦~~~ 賭棍... <-- 個名好難聽... =.="
之後就搭巴士返屋企啦, 排我地前面果個人拎住一大袋寬頻野, 又著住寬頻公司既員工衫, 拎住一大袋野上車, 就放o係傷殘人士果個位, 之後就上上層大安只意睇報紙同睏覺... 架車行多幾個站時, 個司機上左o黎上層, 好似係問果袋野係邊個的咁... 唔知係咪袋野跌晒d野出o黎, 佢問左好幾聲, 果個人坐我地前面, 都無應佢, 因為佢實在係好專心咁睇緊報紙, 之後就見到近住行人路果邊d乘客係咁望出車外, 唔知係咪個司機將d野搬晒出車呢... 架車停左都有好幾分鐘... 之後就繼續行啦... 我地一路坐, 一路o係度唸緊會唔會個司機真係咁大膽掉晒d人客既野, 定係幫個客執返好d野呢... 如果真係掉晒, 一陣個客o係粉嶺落車先發覺d野唔見晒, 原來係俾司機掉晒o係旺角咁咪大鑊... 點知去到粉嶺, 個人睏醒落車, 我地心唸有戲睇既時候, 點知... 完全無事發生... =.=" 究竟係個睏覺人都唔記得左自己果袋野呀, 定係個司機無掉到只係執返好呢...
到我落車時, 落去就見到有個坐輸椅既人o係傷殘人士位... 唸唸下有可能係個司機都係幫個客執返好d野, 然後幫手攪個出口既車門俾個輸椅人上車, 所以岩岩就咁多人望出車外?!... 真係一個迷... *_*
返到屋企沖涼打機, 個joypad幾好用呀!~~ 都好好禁...
*****
俾人話我懶左添.... =P
posted by Mandy @ 11:59 PM
0 comments
