Our Lives

King Kong + 紅磡碼頭 + 計劃未來 + 多謝"朋友" + 樓下

今日出左街, 去左九龍灣睇戲同埋食飯... 原本唸住打埋機的, 唔好意思呀, 下次再陪你去呀~ 去睇左king kong, 好好睇呢... 雖然係3個鐘, 但係時間真係唔覺唔覺就過左去, 我第一次睇錶既時候已經係過左兩個鐘啦... 水準真係幾高, 演員我都覺得ok~ 而家已經越o黎越少可以令到我感動到喊既戲, 呢套我喊左三次... 真係好感動, 同埋好唔忍心隻king kong受苦同埋俾人蝦呢... :(
睇戲既過程中, 食左一大盒爆谷, 好好味, 又食左我特登帶既香橙味朱古力手指同埋kisses朱古力~ 好開心! 好滿足!
睇完戲就去左附近既日本料理, d野都幾好食, 不過d sushi就麻麻呢... 甲起既時候就散晒... 哈!! 仲有軟殼蟹好味~~ 食完飯行左一陣就去左紅磡碼頭睇風景, 都幾靚呢... 我印象中好似未乜點試過夜晚靜靜地咁睇香港既夜景~ 我真係好鍾意夜媽媽望住個天空的.... o係紅磡既天空, d building既霓虹燈好靚, 仲有d閃下閃下既聖誕燈飾呢~ 好浪漫啊!! ^_^
之後就返屋企lu.. 返屋企既途中, 同朋友傾計, 傾左都幾多野, 其實我一直都唔介意講自己d野, 只係唔知點樣講起.. 當然我都唔會無啦啦係又講唔係又講既... 不過, 如果朋友介意聽或者介意講既, 都無所謂既.. 呢d始終都係過去, 過左去既野只係回憶, 我都係當呢d只係我回憶既一部份.. 每個人都有佢開心同唔開心既記憶, 重要既係眼前! 我會珍惜我而家眼前既野, 為身邊人同埋自己既將來而努力! "朋友", 老實講, 我未聽過有人好"實際"咁樣同我計劃未來點點點, 以後既野等等... 今次係我既第一次! 多謝你! 互相了解, 讓我們更懂得令對方開心!!
傾完計之後, 就返到屋企樓下, 嘻!!!!! 嘻!!!!! ^3^

posted by Mandy @ 12:25 AM