奇怪
今日堂比較少, 所以都做左幾多野, 改晒中七份database既tas, 考得都算ok, 唔太差啦~ 之後d同事o係度傾計, 我就o係度聽~ 幾好笑呢~ 真係咩人都有.. 不過我唔係好鍾意佢地咁樣講人是非... 同埋都幾嘈下, 有時想靜靜地做下野都幾難...o係週會時仲要俾我捉到有個人o係度send sms, 真係過份!! 明目張膽!! 今日唔可以準時走, 因為放學後有中五既uniform test, 監考既時候我已經合下合下架啦... 差dd就中眼睏架啦... 點知考考下聽到廣播, 楊sir叫我即刻聯絡校務處, 因為有家長搵我... 真係即刻成個醒晒... 啦啦聲落去, 原來係家長既電話, 仲以為有咩事... 原來係果個send sms既學生個家長打o黎問咩事... 激死~
之後5:15唸住走, 點知俾我o係校務處門口有個女仔講電話講到喊得好淒涼... 個學生我以前教過的, 所以就同佢傾左好耐... 傾到5點9先走呢~
返到屋企開電腦, 見到同事send左個message俾我~~ 真係恭喜晒啦!!! 又多一個朋友結婚啦!! 今年真係雙春兼閏月~ 已經有4個同事今年結婚lu~~ 勁呀! 我都未試過一年內有咁多識得既人結婚架...
不過奇怪~~~ 呢幾日同"結婚"呢個詞語好似特別有緣咁..... 真係奇怪~~~
posted by Mandy @ 6:33 PM
0 Comments:
Post a Comment
<< Home