家長日二
今日家長日第二日, 因為禽日已經見左30幾個, 所以今日得唔夠十個見... 有時見到d媽咪為個衰仔喊, 都真係有d感慨母親既偉大, 個衰仔咁唔生性, 我個partner叫個亞媽唔好再俾錢佢使時, 個亞媽都話唔得... 要俾... 唉... 個亞媽出親聲, 個衰仔就好惡咁罵個亞媽... 睇見個亞媽喊到hug hug聲, 做仔既唔通真係無反應咩... 我唸個衰仔都仲有良心的... 佢只係唔知自己應該點做姐...今日穿左短裙子~ 有好多人讚我呢~ 嘻!! ^_^
見完家長, 去禮堂執返d av器材, 之後就o係office影印定中五下星期一要做既cit 2005 pastpapers, 再執埋d野, 就返屋企啦~ 去左7-11買魚蛋燒賣同埋大腸仔返屋企食, 食完休息左一陣就睏覺啦~ 唸住睏醒就起身落街買野, 點知睏到4點醒左, 賴到5點先起身~ 之後都係唔落街買野啦~ 聽日早d出門口去買啦~ 好彩我都唔係好多野買... 不過都幾擔心失敗呢... 失敗左都唔知點好~ 曬晒d野... ~_~"
夜晚坐o係電腦前乖乖地出卷, 都唔知幾專心~ (少有的)~ 終於出到第二份tas啦~ 仲有一份唔知點出既中七tas, 又仲有一份中五既mock.... 加油呀!!!!
posted by Mandy @ 10:01 PM
0 Comments:
Post a Comment
<< Home