Our Lives

提早慶祝

今晚同屋企人去左酒樓食飯, 媽咪話係提早慶祝喎... 食左我最鍾意食既炸軟殼蟹, 入面有羔又有汁, 外層又脆卜卜, 好正, 媽咪仲叫左鮑魚呢... ^_^ 不過我生左飛滋呢, 所以係咁飲啤酒同埋西瓜汁. ^_^ 食完之後坐o係度同老豆媽咪傾計, 講開我之前有兩個同事都係開刀生, 咁老豆同媽咪就講返我同亞哥出世果陣... 我都忍唔住講左句"26年前既今日, 媽咪你辛苦啦..." 我唸住講之前果刻把聲都有dd哽咽, 唸過講唔講好, 不過之後都係講左, 因為咁都係對媽咪同老豆一種真心既感謝方式o黎既... ~^.^~
食完飯同媽咪逛左一陣商場, 一路同媽咪傾計, 之後同媽咪去左買護膚品, 買完返屋企時, o係屋企樓下既椅子度坐左一陣傾計先上返屋企. 知道媽咪既憂慮同埋擔心... 突然間令我有個唸法, 生個女都幾好, 起碼個亞媽可以同個女講淨係女仔先會傾既計, 嘻嘻!! 仔多數大個左都好少會聽亞媽講呢樣講果樣... ^_^

posted by Mandy @ 10:17 PM