分裂? 思覺失調?
今日夜晚要去上堂, 係第二科, 叫做applied partial differential equations, 上年都上過少少呢堂, 不過就唔明... 今次... lecturer係日本仔o黎的... 不過係60多歲的日本仔... d英文超級難聽... 再加上有個騎呢人坐o係我地後面...話說上個sem已經知道有呢個人既存在, 不過上個sem只係覺得佢講野好大聲, 同埋好樣衰, 點知今次見佢... 直頭係嚴重左好多... 一開始lecturer逐個行埋去點名, 因為佢要問清楚每個人個名既讀音. 用左差不多半個鐘, o係呢半個鐘入面, 後面個肥佬就o係度講電話, 應該係關於add drop科既事, 內容不斷話有人想害死佢, 唔俾佢take某d科咁... 佢既聲浪... 係全個課室都足以聽到的... 而課室可以容納60個人左右... 咁樣都不特止, 之後上堂既3小時, 佢都係不停咁o係度口upup, 應該係一路罵緊人的... 真係好恐怖... 果時, 我都幾驚佢可能會突然間lin住我條頸的...
真係咩人都有... 唔通讀呢個master in maths既course真係會讀到痴痴地?! 唔係卦... 唉...
posted by Mandy @ 11:59 PM
0 Comments:
Post a Comment
<< Home