婚宴
禽日上午返左cityu同同學溫書, 因為下午測第二次midterm呢... 真係唔識, 3小時溫既野仲多過之前我自己o係屋企"飛"果d... 4個topic我溫左3個, 仲要係好趕果隻, 好彩... 佢真係出左3題, 無出到我無溫果part... ^_^測完驗, 自己o係又一城行左一陣街, o係issue買左一條牛仔褲, (想買好耐了... 都貴貴地...) 又睇中左一件外套, 真係好靚呢... 不過好貴呀... 5百幾蚊, 梗係無買啦... 不過真係好靚... 早知拎入試身室試下影幅相先啦... =P
買完之後去左尖沙咀join埋小毛行街... 佢話可以陪我睇衫呢... 因為我實在係好耐都未買過衫啦, 所以就搵佢陪我去左佢女朋友話一定選到靚衫買又平又正既衫鋪, 好似叫"HBRP"... 咁上下既野... 如果叫我再去返, 我都唔識呢... 果然, 買到3件衫呢... 嘻嘻!!! 之後都行到累呢, 就上去帝國中心既好彩海景宴會廳...
去到之後見到有幾個大學同學o係度打緊牌, 所以都坐埋一齊睇佢地打牌, 我一入到去就好口渴, 所以就飲左兩杯food punch... 之後傾下計, 笑下, 又戥左一鋪腳, 8:30就埋位啦... 司儀係我地既大學同學之一, 新郎講野都幾好笑, 點知新郎既中學同學仲好笑... 不過新娘就無出過聲咁滯, 又好似無咩笑容咁... 飲完之後都11點啦... 好累... 但係返到屋企又睏唔著, 呢兩日都睏得唔好, 一o黎擔心測驗, 二o黎我唸我未好返晒, 個腸胃好似仲有d野, 一食野落去就有d作怪既感覺... :(
我要快d好返呢... 因為... 我要食魚生飯!!!
posted by Mandy @ 11:27 PM
0 Comments:
Post a Comment
<< Home