Our Lives

唱k + 打bowling

前日去左5A謝師宴, 今日去左同大學同學唱k同埋打bowling, 好累...
今朝一早就去左銅鑼灣唱k, 得3個人... 所以就join埋朋友既屋企人團一齊唱, 朋友既屋企人都幾唱得~ 好勁~ 連亞媽都唱到... 我之前都唸緊亞媽究竟會幾時唱... 不過我誓無唸到第一首唱既竟然係"可惜我是水瓶座"... 真係勁~~ 哈... 由12點半唱到3點半, 途中都有介紹下咁, 不過我同另一個朋友都感覺到有d似我地去見家長咁... 哈哈... 都幾好笑~ 我不嬲同呢個朋友都玩得好close, 咩都玩~ 唱k途中自然唔例外, 由我一識佢開始我已經好鍾意mit佢... mit到佢隻手紅晒佢都話唔痛呢... 果然係訓練有素呢... 佢仲話唔會話俾女朋友聽呢, 只會話係蚊爛... 個衰仔仲帶左我個眼鏡影相呢... 朋友話我帶呢個眼鏡都唔錯呀~ 哈哈... 仲有... 朋友既家姐話我唱歌似梁詠琪呢... 嘻嘻... 成場唱歌, 朋友既屋企人都影左好多相~ ^_^
唱到3點半, 就去南華會打bowling啦, 我好耐未打過啦... 另一個朋友而家先出現, 4個人打, 都等左差唔多半個鐘, 我第二球就打到補中呢~~ 嘻嘻... 不過最後都係得79分, 以一分輸俾小毛... 嗚...
因為時間既關係, 我打得一局就要走啦... 屋企7點開飯呢... 返到屋企坐左一陣, 就食飯呢.. 今晚有燒乳鴿同豉油乳鴿食呀... 但係我咳呀... 只好食左兩舊燒既... 一舊豉油既... 仲要忍住口唔飲得汽水呢... 嗚嗚... 古古力又唔食得... 全日都o係度咳, 好辛苦... 早知之前唔一次過食咁多燒米餅啦...
食完飯好累, 就上左床攤, 攤得兩攤... 睇緊高朋滿座都未睇完, 就睏著左啦... 醒既時候係朋友打電話俾我, 已經做完啦... 所以繼續睏, 但係都睏得唔舒服呢, 因為睏左咁耐屋企人都無同我熄到燈, 超殘眼... 朋友話我睏到火舞黃沙就叫醒我... 點知... 我睏到10點先識醒呀... 一醒睇左佢講兩句, 就唔明佢講緊乜啦... 嗚嗚... 所以索性唔睇, 走去沖涼涼呢~

posted by Mandy @ 10:42 PM