Our Lives

旺角之旅 + 嚇嚇

今日返工, 知道同事有d野煩緊, 關於下年d堂, 查實我覺得佢太大反應呢... 身為一個員工, 我覺得老細要求你做咩, 又唔係太唔合理既都無咩大問題... 大家都係教書, 當然明白果d教高年級既壓力同埋憂慮, 但係我覺得panel同埋校長o係呢個五月尾既時候同你講下年安排左你教高年級, 都唔算太遲呀... 而家攪到o係校長既面前印象唔好, 自己又好似受左委屈咁... 唉... 呢d野都無法, 煮到埋o黎就要食... 大家都同情你既處境的... 加油吧...
今日我上左尾兩堂中四cit, room既同事就o係room度傾計, 後尾有人八返俾我聽一個好消息... 就係... 呵呵... 高層話我應該會轉perm呢~~ 嘻嘻... 唔知幾時呢~~ 不過... 我仲想知道... 下年既panel會係邊個呢... 都有擔心唔知點咁... 人地又好似突然間積極起o黎做野咁, 我就唔想而家o係呢個時候"突然間"咁積極做野俾校長睇, 保持平時咁就ok... 我覺得佢咁做好cheap呢~ 如果校長因為佢咁樣突然間積極而俾左個panel佢做, 我會覺得校長都係一個cheap人呢~~
放學要開校務會議... 唔記得左... 原先唸住一放學就返屋企準備今日出街的... 不過個會開到4點半就完, 期間d下午茶實在好吸引, 所以我就忍唔住食左6隻雞翼同埋小小腸仔同埋小小魚蛋~ 嘻嘻~ 俾同事話我"點減肥呀你..." 咁我真係好鍾意食雞翼嘛~~
開完會返屋企差唔多5點, 咁就沖涼燙衫同埋換衫... 我次次出門口都要事先準備的... 所以就攪左好耐... 沖完涼, 搵衫, 燙衫, 吹頭, 換衫, 穿鞋... 最後都攪到6點3出門口... 點知最後都係比朋友遲左... 唔好意思呢~~ o係我去到九龍塘等緊地鐵既時候, 突然有個30幾歲既男人企o係我旁邊, 拎住個5蚊, 同我講話有無散紙, 咁好正常你會以為佢係想將個5蚊唱散佢啦. 咁我就拎左個散紙包出o黎搵左兩個兩蚊, 1個1蚊出o黎... 期間我同緊朋友講電話, 佢又同緊朋友講電話... 之後我講完電話, 唸住俾果d散紙俾佢換返個5蚊返o黎之際, 佢竟然話... "唔係呀... 我唔夠呀... 仲有無呀" 之後我梗係啦啦聲縮返隻手先啦, 咁我就話無啦... 佢就話啦"有係呀... 唔使驚喎, 我又唔係問你拎錢" 之後我再話無, 佢就話啦"你都未睇你點知無姐..." 之後佢就行開左... 佢都痴痴地線的... 我自己有幾多錢我會唔知咩... 更何況你咁樣都唔叫做問我拎錢呀?! 佢都傻架!! 好彩朋友就o係旺角等我... 俾佢咁樣玩一玩... 都真係有d驚... 嚇左一嚇... 點解而家會有d咁既怪人既呢?!
我地今日有好多野要做, 要買1394, 要買250 GB harddisk, 要整PPS(不過o係朋友等緊我既時候佢已經整左...), 要買夾夾, 要買圈圈, 要打機, 要去荷蘭銀行拎禮物, 要食7 Magnum, 嘻嘻... 好開心~ 我地第一站去左旺電, 好快決定到買左1394同埋harddisk, 嘻嘻... 之後就去左荷李活中心買夾夾, 都係上次果間, 都係果d款, 不過今次就買左另外一款, 都幾靚的... 不過如果朋友今次又俾人偷夾夾既話, 我一定會搵個真兇出o黎就地正法既... 嘻嘻!! 買完夾夾就去左家樂... 呵呵... 睇左幾間圈圈, d價錢大多數都係預計中的~ ^_^ 嘻嘻... 我地仲刻埋名呢~~ 好靚... 好鍾意... Kee Kee... 朋友竟然要send email提自己... 19... 12... 哈哈... 1 2 3 4 5 6 3 7 2 6 9... 嘻嘻... 好野!! 中指萬歲!! 買完夾夾就去左食焗飯既地方, 點知大家都無叫到焗飯, 叫左軟殼蟹天使面, 有焗珍寶蠔(正), 有好得意又好好味既鵝肝醬酥皮焗牛柳... 好特別呢~~ ^_^ 價錢都ok呢~~ 呢間野食真係唔錯~ 雖然坐得唔係咁舒服, 不過d野食真係幾好... 食完之後就行去搭巴士返屋企lu... 朋友讓左個位俾我坐, 佢就無位坐呢... 我就合下合下咁... 今日無打到機同食Magnum, 因為都夜啦... 今日o係咁短時間做左咁多野, 好犀利呀!! 不過咁就無左3個階磚啦... 但係我覺得... 值得的!!! ^3^
希望你同我一樣咁開心就好啦~~ 5月24日... 我仍然會記著這個日子的!! ^_^

posted by Mandy @ 11:59 PM