Our Lives

set野 + 驚

如果朋友當日真係要做陪審團, 淨係做上午都好呢.... Kee...Kee...

今朝起身無乜頭痛, 返到去都係點名咁. 之後就返room睇報紙, 同埋出左份中四cit既test, 都幾難呢... 到lunch就準備set野, 點知個負責既老師好似無左件事要借projector咁, 又係要打電話叫佢佢先捨得落o黎... 拎左一大堆電線, 搶答器, 同計分牌... 我推箱計分牌出o黎既時候... 見到好大隻小強死左o係地下呀... 好核突呀... 之後我梗係啦啦聲即刻逃離現場, 然後就點個男學生幫我執走佢, 個女學生仲o係度嚇我... 話說我已經逃左出個咪房, 咁個男學生就搵紙執左隻野, 之後個女學生就入去睇, 佢一入去既時候, 個男學生就拎住隻野出o黎, 個女學生大叫一聲... 之後我就大叫左一聲: "好驚呀~~~~~~ 走呀..." 就推開晒果d阻住我逃走既野咁樣跑出o黎... 個女學生仲笑我呢... 之後另一個IT Prefect見我隻手卒卒下, 就問我"你掂到佢呀.." 我就話啦: "我係唔會俾自己有機會間接咁掂到呢d野的..." 唉... 俾d學生見到我個驚樣添... -.-" 衰左~~
set左一大堆野, 點知d桌仲未ready, 咁就放學前早10分鐘再set埋佢... 今日lunch既飯好好味... 係禽晚屋企食剩既菜+洋蔥豬扒飯... ^_^ 正~ 放學set野, 之後我都睇左差唔多45分鐘先離開個hall, 驚有野唔work呢~ 好彩都無事~ 個比賽3:30就完, 咁我又同兩個IT Prefect落去執野... 執完晒就返上去抖, 4點左右就走lu~
返到屋企, 又濕又熱... 食左個朱古力咖啡甜筒呢... 呵呵... 好味道!!! 我記得睇Boom Boom彈珠人, 但係睇睇下就睏著左, 媽咪仲好好手尾咁同我關左電視... 我連日式麵包王都睇唔到呀... 嗚嗚... 無得威添~~~ ^3^
今日check左, 天津港抽唔到呢~~ 蝕左100蚊手續費~~ 嗚~~

posted by Mandy @ 8:04 PM