整電腦 + 食飯
今日下午1點半先起身, 睇左一集小忌廉, 又睇返禽日既"火舞黃沙", 六點左右朋友o黎左我屋企整電腦同埋食飯~ 將舊機入面既一個比較新既80 G harddisk搬左去新機度, 又幫舊機加左1條256 M ram, 又執左d好凌亂既線... 唔好意思呢... 我不嬲都懶執呢d野... 所以攪到d線打晒交咁... ~_~" 執左成晚, 又過左d file, 我而家又多左好多卡通啦... 再唔快d煲就full晒架啦... 嘻嘻... 不過d file有排執呢... 唸起就... =.=" 不過就真係麻煩晒朋友~ 唔該晒呢... 俾個"^3^"你啦...今晚媽咪煮d牛扒好好味呢~ 嘻嘻! 食到好飽...
下午同媽咪傾左一陣計, 佢問我... "你唸住幾時結婚呀...?" 我話... "兩三年卦..." 之後佢就話"即係28, 29左右?" 我話"係卦"...
posted by Mandy @ 12:06 AM
0 Comments:
Post a Comment
<< Home