Our Lives

情人節快樂

你是可靠大藍籌，將來無論「價位」如何，我絕不沽貨，這是終極長線投資，贏也好，輸也好，我會擺o係度，唔會賣，更加唔會套取利潤。

一起身, d做完運動後遺症又o黎啦.. 超級腰酸背痛...
今日下午o係屋企忙忙忙, 好趕時間, 因為好多野整, 夜晚出去食飯, 去左又一城新開既"板前壽司", 等左個半鐘頭位, 一路行街買野一路等, o係溜冰場上面既看台又食左dd野... 嘻嘻!!! 比起上次加左料呢~ 呵呵!!! 8點鐘入去食, d壽司真係幾好味~ 舊飯好細舊, 食既時候唔係好覺有飯o係度咁. 我地最鍾意都係火焰鰻魚, 我地又叫左鵝肝, 我未食過呢, 第二舊真係有dd入口即溶, 感覺真係唔錯.. 不過如果要比起出面既鵝肝, 應該仲差一大截呢~ 我地又試左海膽, 都ok呢~ 無乜味, 不過又係入口即溶既感覺, ok~
最後埋單都唔算太貴, 好似仲計平左呢, 可能我地張單同人掉亂左呢, 慳左$35~ yeah!! 之後去左行logon, 又用左coupon食haagen daz, 好抵好好味呢~ $46, 一人一杯, 每人都有兩球.. 正!!! 之後就搭火車返屋企lu, 一上火車時, 見到一對年輕男女o係車箱門口攬得好實, 我覺得好礙眼呢.. 點知之後望清楚, 原來係學生, 哼!!! 即刻無攬住, 仲o係唔知沙田定火炭落左車添!!! 我記得佢地好似唔係住果度的.. 真係有可能係為左想繼續攬而落左車避開.. 真係過份!!! 火車上咁多人, 攬到咁既衰樣, 真係唔掂當!!!

舊相, 個個人都有, 呷醋妒忌就一定會, 喊都可能, 但o係我心目中, 我唔覺得有野唔可以俾你睇... 所以我唔介意, anyway, o係唔同人既角度可能唔同, 或者呢d都係空間o黎既.. 唔緊要!

posted by Mandy @ 11:59 PM