Our Lives

瑜珈 + 自助餐 + bowling破紀錄 + cityusuper生蠔

今日係校本教師發展日, 晨早8:00返到去上校巴, 係咁o係度收功課, 真係最後果刻..
去到之後, 由於未開始, 咁我就同幾個同事去左酒店既餐廳度食早餐, 不過我之前食左, 所以我無食到, d早餐好貴.. 除非我真係好餓, 如果唔係我點都唔會食的, $42一個煎雙蛋, $30一杯coffee, $36一個麥皮..
食完之後過左少少時間, 佢地已經開始左lu, 一開始我地既活動就係做瑜珈, d動作雖然唔算好難, 但係d手手腳腳提高得耐都真係好累下.. 最正就係果個攤c式.. 就係睏o係度聽個導師o係度催眠, 正當個個都俾佢催眠到好眼睏之際.. 竟然.. 聽到.. 某同事既鼻鼾聲.. 即刻個個都醒晒同埋o係度狂笑.. 哈哈!!! 該同事真係犀利!! =P
做左一小時左右既瑜珈, 就休息同埋食茶點, 之後就開始聽校長講野, 之後有小小討論, 都算開心呢~
傾完晒12點多, 就埋位開始我地既自助餐, 老實講句, 呢間酒店既自助餐真係一d都唔好食.. 勁小野食.. 而每桌都有一大碟三文魚.. 我唸俾著係平時, 碟野一早就清晒.. 但係.. 我地發現每桌都剩返差唔多半碟.. 原因係.. 就係呢間酒店.. 因為呢間酒店每隔一年左右就會上報, 佢d魚生令人集體中毒.. 正正就係果碟三文魚.. 所以, 個個都唔係好敢食~
食完之後有遊戲 - "猜謎語", 估唔到某d同事既"猜謎語"技術咁叻的.. 我地果組人都答到兩題, 每人都有$50惠康禮券. 之後就係抽一份大獎.. 之後就完啦~
完左之後, 某同事約o係隔離既富豪bowling打波.. 5個人一齊去.. 勁好玩同刺激呢.. 都幾大壓力的.. 第一場各自各, 第二場就分兩組比賽, 輸左既要請飲野, 第三場就無罰到.. 我兩場都係o係嬴果一場度呢~ 嘻嘻!!! 真好彩!!! 好開心呢~ 今次打破左我之前最高分既紀錄, 122分呀!!! Yeah!!! 多得同事同副校指導我!!! 呵呵!!!
打完之後就去左citysuper同埋西田行街, 都買唔到d咩, 我都係陪同事睇佢既野.. 不過最後都無買到~ 而我想買既都買唔到呢~ 行左好耐, 又o係citysuper食左同事介紹好好味好新鮮既生蠔, 真係好正!!! 不過好貴.. $22一隻..
行到6點左右, 就搭火車返屋企lu.. 因為.. 我打bowling時做左一個好"重大"既決定, 就係今日唔返學.. Kee Kee.. =P

夜晚, ...
我發覺, 我無聊既擔心好似越o黎越多咁... 我知道係受一年多前既一件突發事情所影響. 但係我果刻真係好擔心... anyway, 我會控制自己架啦...

posted by Mandy @ 11:59 PM