嘔嘔嘔...
今日都算係難忘既一日.今日o係學校, 有人派一個座臺既電話座, 有電話o黎既時候個公仔會面紅著燈的, 拎左3個, 俾左一個男朋友, 一個自己的... 幾得意...
之後放學後o係學校做左d野, 但係都無咩心機做, 只係坐到差唔多時間就搭車出去, 約左人食飯.
突然間好想食煎釀三寶, 又食左炸大腸同埋魚蛋, 之後打機, 打完機之後就去左食蕃茄湯通, 之後就行sogo, 都無事的... 行完sogo買完鞋, 就行去搭巴士返屋企.. 點知, o黎料...
感覺d野落唔到格, 頂住o係個心口, 都算捱到上巴士, 一上巴士, 大鑊, 塞車.. 架車行得好慢, 行兩步又停三步, 越o黎越想嘔... 男朋友都有呢個感覺, 起初我好似嚴重d的, 但係我都係忍住, 因為唔想o係車度嘔, 死忍難忍... 點知... 最後o係車度嘔果個唔係我... 啦啦聲將買鞋果個sogo膠袋拎左出o黎, 男朋友就weliwala嘔晒出o黎... 果時我好擔心, 所以我開始分左d心, 想嘔既感覺少左, 不過個人就好震, 附近既人都知道, 前面果對都算係咁, 個女仔仲俾左白花油我地, 咁我就幫男朋友塗, 又幫自己塗d.. 男朋友嘔完, 我既感覺又返返o黎... 成程車都係捱, 捱到落車果刻, 一落左車, 仲驚... 好似行唔郁咁, 要扶住d柱, 好有前幾年捐左血暈左o係火車度果個感覺, 開始驚... 驚自己暈左o係街, 慢慢行, 行下停下, 卒之, 由蓬瀛仙館果個巴士站行返屋企, 足足行左半個鐘...
返到屋企拎衫沖涼, 入到廁所, 仲忍到唔嘔, 忍得兩忍... 卒之都係嘔晒出o黎... 男朋友搭完車, 返到屋企門口既行人路, 又嘔多次, 嘔晒落地下..
今次真係... 經典... 我地唸, 應該都係d街邊野唔乾淨多... 我覺得應該係d炸大腸累事... 以後都唔敢食果間啦... :(
沖完涼, 坐o係度打呢篇日記時, 仲有d想嘔既感覺... 個人仲有d震緊... 未平伏到...
posted by Mandy @ 1:00 AM
0 Comments:
Post a Comment
<< Home