中環 + 赤柱 + 旺角 + 超黑仔
今日睏到2點先起身, 之後就同朋友出去中環拎mon, 之後就去左皇后碼頭, o係車度食左tea - mcdonald's既好味雞翼同薯條, 之後就乘機去左吹一陣海風, 嘻嘻... 吹左風就去赤柱lu, 無落雨呢~ ^_^ 我地行左一陣市集, 又睇左d鋪頭, fing fing fing... 又睇左d沙灘褲, 又睇左好多間野食, 有幾間都幾貴, 不過時間未到食飯, 咁我地又食左tea, 所以就去左海邊影相, 到此一遊~~~
影完相就去左百佳超級廣場行. 我發覺行百佳真係幾開心, 見到呢樣又好味, 果樣又抵, 都幾有衝動想買呢~ 行左一陣, 之後就出去搵野食lu, 去左一間意大利餐廳, d野食麻麻地, 不過就好多洋蔥圈~ ^_^
食完野去ok買豆腐味軟雪糕同埋朱古力奶, 漏到成手都係呢... 哈哈... 豆腐味都幾好味~ 行去停車場, 嗚... 咩唔到呀... 嗚... 好想再試多次... 不過條路有人呢... 嗚... 我要再咩過... 嗚嗚...
我地就啦啦聲返旺角啦, "巴... 飲奶奶..." 嘻嘻... 因為要去換之前買既黑仔dvd writer, 去返間鋪頭, 佢話要去佢個維修中心, 真係麻煩呢~ 要去金雞廣場, 之後佢check完再換果個新的, 佢都試埋俾我睇係讀到碟的... 之後就走lu... 返屋企lu...
返到屋企沖涼, 沖完就啦啦聲試我既dvd writer啦... 唉... 點知... 唔記得個dvd writer係咪真係著過燈, boot著部機時, o係bios detect唔到, 按dvd writer上面既按鈕都唔彈開... 心唸已經不妙... 大鑊... 好有可能係我部機既問題... 試來試去試左一輪都唔得... 唉... 唔開心... 我真係唔想部機就咁就要換呢... 呢部機唔係好耐架咋... 唔通真係我部機燒左人地個dvd writer?? 定係我底板有問題?? 但係點解我前幾日駁返個舊既cd writer又無事既?!... 嗚... 唔係咁快又要洗錢換機下嘛...
手痕甲硬開個dvd writer個盤出o黎, 唔知係咪心理作用... 好似聞到有dd"羅"味...
唉... 各路英雄, 有咩睇法... 請指點...
超黑仔...
posted by Mandy @ 11:44 PM
0 Comments:
Post a Comment
<< Home