年初四
今日去左睇戲 - 在世界中心呼喚愛, 都ok既, 不過日劇d劇情又係比較慢, 場戲睇左兩個幾鐘, 都幾耐呀.. 但係套戲唔係happy ending呀, 睇睇下都有一刻曾經想喊架... 不過最後都只係有少少眼水..之後去左行廟街, o係廟街買左兩個咕臣套, 買左一套飛行棋, 幾得意架, 真係一隻隻飛機架.. 仲有, 今日收到朋友既情人節朱古力, 多謝晒, 都幾好食呀. ^_^ 行完廟街之後, 準備走既時候, 竟然俾我見到d野喎.... 我地聽到樓上突然間有人鬧人鬧得好大聲, 之後, 有一個應該係女人既物體, 由一度鐵門度衝出o黎, 之後竟然俾我見到追住果個女人既男人好似係無著褲的.... 我即刻就唸到樓上果度一定係"嫁步", ... , 如果o係粉嶺見到咁, 我都未必會咁唸, 但係果度係深水土步, 係廟街, 應該都係架啦~... 唉~~ 新年流流, 見到d咁既野.... 真係該膾...
今晚又打機呢... 嘻~ 不過都唔係打左好耐, 無之前幾日咁多, 只係由10點幾打到11點半左右...
posted by Mandy @ 11:41 PM
0 Comments:
Post a Comment
<< Home