Our Lives

家長日二 + 40周年校慶聚餐

今日家長日第二日, 都係得差唔多10個家長見, 不過都見到成12點. 之後就去食飯, 然後就返屋企睏大覺, 唸住睏到5點左右就換衫去沙田帝都酒店食buffet. 點知睏左3個字左右, 就要出去呢, 同事話想早d出去行下喎, ^_^ 咁就啦啦聲換衫出左去啦, 去到沙田既時候就去左行玩具反斗城, 買左一盒竹籤, 係for我地3樓抽獎既... 然後我地就去預先約好既地方度等埋其他既同事lu, 去到場地時, 我地都傾左陣計, 又同一d小朋友玩左一陣, (有miss tang既女啦, miss hon既仔仔啦, 呂sir既仔啦, miss lau既仔女, 同埋黎sir既仔仔...) 之後個聚餐就開始啦, 食呀食, 食呀食, 原來d野食真係普通咋, 不過咁岩我果隻生蠔都唔錯, 其他既種類都唔多, 不過都算過得去既, 話晒都係學校請的..

食到咁上下, 我地有個遊戲同分享既環節, 玩"有口難言"既時候, 我地派左兩個李sir出去, 我地都玩得好投入呢.. 拍晒手掌架!! 然後, 就到我地私人既抽獎啦, 唉... 一世無抽獎運既我.... 果然係抽到最細既獎... 不過都唔緊要啦, 都係大家開心姐~~~ miss cheung就抽到超級大獎呢... 真係戥佢開心呀..

玩完之後, 我地就一齊搭火車返屋企lu, 返到屋企好彩仲趕得切睇"大長今"呢, miss cheung佢地話我似大長今呀, 我都完全唔覺似... 睇完大長今就啦啦聲去沖涼啦, 然後就打機啦.. 嘻...

posted by Mandy @ 11:59 PM