關心
原來d同事咁關心我的... 今日有兩個同事私底下o黎問我最近點呀, 係咪唔開心, 又問我"係咪個衰仔激嬲你呀?" 哈哈... 即刻笑左出o黎... =P原來佢地今日"猴"我唔o係room既時候講起我, 個個都問知唔知我係咪唔開心, 最近又好似少左好多電話咁, 以前好多架嘛, 而家好似無乜... 當佢地講起結婚既話題時, 我又好似無咩反應咁, 其實我只係開始覺得佢地已經講左呢個話題好耐, 覺得無必要再講, 所以我先唔出聲... 但係佢地就以為我發生左d唔開心事, 所以就唔想提咁樣...
真係多謝晒佢地咁關心我呢!
仲有, 今日有個"潮流"老師讚我著得靚呢, 又襯得好呀... 仲有, 又有同事讚我瘦左呢... 呵呵!!!
今晚返學, 終於拎左同學仔d contact, 因為要一齊做project. 仲有, 今日去左土木工程既lab度參觀... 個professor講左一大輪野之後, 就講邊間地產既樓值得買, 邊間唔掂咁, 講講下又講左去股票市場, 之後又講下d鋼筋... 都幾攪笑...
今晚仲要趕聽日交既功課呢~~ 加油...
posted by Mandy @ 11:23 PM
0 Comments:
Post a Comment
<< Home