尷尬 + 利是錢
十兄弟呢套電視劇集, 我只睇左不多於5集, 但當我睇大結局時, 都喊左3次... 真係賺人熱淚...之前o係學校"豆"同事d利是... 事後o係十七八日左右, 訓導主任竟然撞到我時問我, "我係咪俾左$10利是俾你呀?"... 果時都幾尷尬... 我話"係呀... 唔緊要啦... 意頭o黎既姐..." 之後佢竟然話之後補返俾我...
到前兩日, 佢再次撞到我, 竟然啦啦聲塞左一封利是o係我手度... 真係尷尬死啦... 返到屋企拆開... 都只不過係多dd, 咁又何必勞師動眾要問個咁既尷尬問題呢?! 唉~~~ 真係差dd想問返句: "咁我使唔使俾返果$10你先呀?!"... =.="
之前唔記得講, 今年既利是錢數目, 創新高呀!!! 嘻嘻!!! 好開心~
posted by Mandy @ 3:21 PM
0 Comments:
Post a Comment
<< Home