黑白天鵝
今朝一起身就同屋企人搬野, 事關亞哥搬屋, 咁我地個櫃就搬去佢舊屋, 而佢舊屋個櫃新d, 就搬o黎我地屋企用, 所以就要執晒個櫃d野出o黎, 搬個櫃出o黎... 佢地搬個櫃出去時, 我就負責o係屋企拎塊百潔布省地下... 省到立立令... 不過好累呢, 之後又執返d野入d櫃度... 執左差唔多整個下午呢...之後就出左去, 原本唸住去食腸粉甜品的, 不過時間太晏, 唸住今晚先去食... 睇左一陣電視, 就開飯啦. 不過今日胃口麻麻地, 食左半碗就覺得好飽啦... 之後打左半場英格蘭 vs 法國... 半場都無波入, 下半場, "個教練o係更衣室度指導過d球員之後"... 就入左兩球啦... 嗚... 分明係歧視我... v_v...
最後都係因為時間關係, 無去到食腸粉甜品呢... 轉而去左公園食甜筒... 嘻嘻!!! d白天鵝同黑天鵝係咁跟住我地行呢... 可能佢地又以為有雪糕食... 哈哈!!! 好得意!!! 溫馨~
posted by Mandy @ 11:51 PM
0 Comments:
Post a Comment
<< Home