極速剪髮 + "賭豪" + Euro Gogo + "放逐"
今日原本有8樣野要做, 最後做左5樣, 已經好叻架啦~~ ^_^ 一開始去左旺角買炸彈燒食, 好耐無食過啦, 不過上一次好味d, 因為超級辣咀... 今次o係車食, 唔算好熱, 不過都好好味同好滿足啦~ 之後就去左奧海城, 第一站係去買左8點既戲票 - "放逐"... 都有d核突場面同埋好多槍戰, 有時仲亂到都睇唔到邊個俾人射低左添... 整體ok咁啦~ 買完戲票就去左"極速10分鐘剪髮"度試... 真係幾快, 15分鐘左右攪掂, 俾我想像中剪得短左... 咁既時間同價錢, 我唸都算係咁架啦... 剪完就去左打半個鐘機... 嘻嘻!!! 雖然唔夠喉, 不過今次好勁呢~~ "賭豪"呀!!! $6220... 最勁今次呀!!! 多得你靠嚇咋... "唆哈"!!! 打完機就去ATM改荷蘭銀行白金咭既password, 之後食Euro Gogo, 我覺得佢呢個快餐式既餐廳, 食物既質素真係算唔錯, 尤其係個雞翼, 好好味, 熱騰騰的... 啦啦聲食完, 去買爆谷睇戲lu... 食左好多呢~~~ ^_^ 睇完戲就睇左一陣保齡球, 就走啦... 原本唸住去花果山食甜品的... 不過好多人, 同埋我覺得一定會撞到學生, 所以無去到呢... 其實... 其實呢... 我地志不在食甜品的... Kee Kee... Sogo... 都係下次先啦~~~
posted by Mandy @ 12:30 AM
0 Comments:
Post a Comment
<< Home