Our Lives

龜龜屋 + 睇花燈 + 睇煙花 + 唆哈

今日o係屋企打機, 仲有改左10幾份卷, 之後就出去紅磡polyu度傻左咁, 再搭巴士去旺角, ~_~" 帶左男朋友去潮流特區既龜龜屋度探仔女, 真係好得意呢~ 尤其係果d大公仔呀~ 仲有畢業公仔... 好多呀~~ 睇完之後就搭返巴士去尖沙咀, 因為好多人, 等左好多班車, 之後就食好好味久違了既蕃茄湯通粉, 再去左九龍公園睇花燈, d花燈好求其既, 都唔係成地都係燈仔, 不過都幾多人~ 嘻嘻, 有人o係度篤篤共, 嘻嘻, 咁我當然都唔輸蝕啦~ ^3^
睇完花燈影左d相之後, 就行左去尖沙咀方向等睇煙花, 比起我上次睇少人好多呢~ 坐左o係地下等, 等左9個字左右, 就開始啦~ 雖然係有舊野遮住左, 不過都算望得晒大半架啦~ 今年d煙花麻麻地, 唔算靚囉, 淨係中間有少少五顏六色閃閃下果d同埋心心比較靚d之外, 其他既都係好普通~
睇完煙花, 我地就行左去佐敦打機, 都係玩手指機, 1蚊鋪, 抵玩呢~ 仲有玩左一個新遊戲添, 叫做"4張刀", 好勁呢~ 開頭好難明的, 之後都識識地啦... 唆哈~~ 囉唆~~ 哈哈!!! 仲嬴過1000蚊添呀!!! 唸住1000蚊有得慢慢玩之際, 就即刻輸得晒啦... =.=" Q對同9點都唔夠人地A對同9點半大... 嗚嗚~~
打完機就行返去搭巴士走人lu~

posted by Mandy @ 12:35 AM