Our Lives

Stage Tea + 百佳

今日有同事生日, 開左我一枝香檳飲, 祝賀一下佢~12點放學, 啦啦聲返屋企睏覺, 唸住唔食野, 點知返到屋企媽咪炒左飯, 又好香, 媽咪又話食唔晒, 所以我就食左3啖, 之後上左一陣網就睏覺啦, 睏到3點半左右, 就起身上網睇下今晚個形勢, 之後就換衫, 今晚陪朋友食飯, 去左奧海城, 好開心~ 食左stage既tea, 好味道呀~ 之後就去左行大百佳, 我都係第一次見百佳車都可以飄移呢~ 嘻嘻... 勁呀~ 不愧係有車牌呀下~ ^_^ 行百佳好開心~ 個心好想買呢樣買果樣.. 餅乾盒, 午餐盒, 呵呵... 不過經過細心唸過之後, 都係無必要買~ 但係都幾好feel呢~ 最後朋友仲買左個"短小"既攬枕俾我... ^3^ 好軟林林的~ 好舒服~ 攬住睏一定好正呢~~ KeeKee..
行左成個幾鐘百佳, 之後就去第一期度打機啦~ ^_^ 英格蘭果然係衰人o黎架... 如果唔係個掣衰, 哼! *_* 打完機就搭車去九龍站, 就搭巴士返屋企lu.. 一路搭車一路挨住睏.. 呵呵..
返到屋企睇 葡萄牙 vs 墨西哥, 葡萄牙好野! ^_^

posted by Mandy @ 11:59 PM