行樓梯15 + 游水500m
今日上左一堂中四cit, 教左佢地寫一d基本既HTML, 我覺得我有d同佢地鬥快學鬥快睇書既感覺... 因為我之前都唔係好識的... 今日o係個room度聽左d同事既是非... 覺得有d同事的確係做得唔岩, 好似好無責任感咁... 最憎呢d人... 偏偏呢個人就係我以前覺得佢唔係咁既人既一個人... 唉... 係佢變左... 定係係我以前盲左?... 真係差...今日行左樓梯, 喘晒氣... 返到屋企即刻沖涼... 之後晚餐食左少少飯少少餸, 就同朋友去左游水... 今年第一次游, 游左10個池... ok啦... 不過... 又見到學生... 好彩佢地都算係乖的... 但係佢就好大聲咁o係個池度叫"M...i...s...s... L...a...i..." 唉... 使唔使咁大聲呀... 驚死人地唔知我姓咩咁... 今次成績都算滿意, 游下傾下都係用左45分鐘... ^_^... 游完水之後俾朋友引誘我食野... 又俾我聞香噴噴既7-11燒賣... 差dd就俾佢引到我買5蚊Magnum食架啦... 好彩都仲把持得住... 今日做左好多運動呢... 又食左好少野呢... 如果日日都可以咁做就好啦... 唔計累既話...
我唸我今日應該可以攤落床就睏得著啦卦...
posted by Mandy @ 11:40 PM
0 Comments:
Post a Comment
<< Home