Our Lives

睇圈圈 + 宜家 + 唱k

今日一早出門口果陣遲左少少, 點知俾人知道左, 講左個11分鐘既電話, 我地好似無試過咁早講咁長既電話呢... ^_^ 你好叻呢... 特登校鬧鐘起身打電話俾我呢... 我知道係特登架... 朋友話無喎.. 咁我信你啦... 呵呵... 返到學校就去左set課室, 因為又係要o係課室直播早會, 之後就o係room度休息... 今日下午d大粒佬走晒, 所以可以早走啦... 原本唸住可以即走, 不過朋友同屋企人食tea呢... ^_^ 朋友既媽媽仲問佢"幾多個?"... 嘻嘻... 唔知有無d咩含意呢? Kee.. Kee.. 臨走前, d中一專題研習人o黎交report, 仲講大話, 真係過份, 竟然對一個電腦老師講, 佢做唔到report既原因係因為佢屋企部電腦裝左powerpoint但係無裝word... 都傻的... 真係講大話都唔識講... 哼... 罵左佢地一鑊... 之後就走啦... 嘻嘻... 見見... 離開學校無幾遠, 見到學生... 同佢say個hihi... 但係朋友曳曳呀... 特登行錯路呀... 打打...
去左沙田行街, 去左睇圈圈, 睇左dd款, 不過有d都幾貴呢... anyway, 意義重大過個價錢, 只要係唔會生銹的, 咁都ok.. 款式我無乜所謂, 不過我唔係太鍾意咁yeah果d... 有d都ok靚呢, 不過唔知襯唔襯手手呢... 呵呵... 無幾耐就走左入去屈臣氏, 朋友一眼就睇到有野買呢... 嘻嘻... 買你個0.03死人頭呀... 之後行經火車站, 見到有"大口仔"信用咭promotion, "大口仔"呀"大口仔", 你真係慘啦... 變左做"大口狗"... 可憐... 之後去左食唔好味既小籠包, 好味既雞翼同埋特別好呷既醋呀... V_V 我都好耐無食過咁差既小籠包呢... 以後都唔去果間食... 不過... 多左樣野要學呢... 要學整粢飯呀... 原來粢飯入面有三樣野架... 就係炸菜啦... 豬肉鬆... 同埋最容易唔記得左既油炸鬼呀... ~_~" 嗚嗚...
之後去左我最鍾意行既宜家傢俬, 一路行一路傾, 傾下第時夢想間屋係點既樣... ^_^ 我比較鍾意淺色d, 淺色好似好靚咁, 睇到一間400幾尺, 一間600幾尺, 600幾尺果間真係好好呢, 好似幾見用咁, 同埋我都幾鍾意個廁所大少少... 舒服d... 400幾尺果間都ok... 不過... 時間總係作弄人既... 朋友話時間可能要3年呢... 我之前都聽朋友講過話佢既朋友結左婚之後都係分居的, 係到之後買樓先一齊住返... 我聽到果時覺得怪怪的... 因為我完全無唸過結左婚既兩公婆會係分開住的... 今日朋友都提過, 都係覺得怪怪呢... 不過朋友解釋說, 話唔係咁既意思喎...
行下睇下又傾下, 咁就過左個幾鐘啦, 之後我地就去左唱k... 途中朋友撞到同事呢, 嘻嘻... 又話溫書考試, 原來.... 拍拖.... 哈哈.... 俾人笑.... Kee... Kee... 又見到一個好似OL既物體, 朋友話想見我著好似白色衫綠色飄飄裙... 搵日啦... 我都好耐未唱過呢, 唱得好差呀... 嗚嗚... 二...十...四... 嗚嗚... 我要練練練呀... 仲有後來... 同埋朋友唱得好好聽又話無練過既至情至聖... 嘻嘻... 我不是好人都唱得幾好呢... 仲有Oh Mandy~~~ 成晚係我唱得唔好... 哇... 唱到10點幾, 之後就啦啦聲趕住走啦... 都唔知趕乜鬼... 哈... 係咪都咁多... =.="
之後就走啦... 今日中午無食飯, 夜晚都無食, 只係食左tea... 唔知有無輕到呢... 嘻嘻... 加油呀...

夜晚臨睏前icq左一陣, 同左個好耐無聯絡既net friend傾計, 知道佢同拍左拖好耐既女朋友分開左... 遲下仲返o黎香港長住添... 唸起以前曾經試過同呢個netfriend出街呢... 我仲記得以前曾經作過一首詩俾佢呢... 係o係佢臨走前作的... 唔知佢仲記唔記得呢... 仲有就係以前同佢既書信來往同埋生日咭... ^_^ 我而家都仲有keep到呢... 我仲記得佢幾時生日呢... ^_^

聽日考ASL CA呀... 好緊張呢... 臨睏前朋友同我一齊合手祈禱... 唔知有無用呢... 擔心...

posted by Mandy @ 11:59 PM