Our Lives

真的好痛..

我都好耐未試過咁痛法... 禽晚已經唔多掂, 不過個肚都唔算好痛, 叫做忍到.. 但係唸住12點多上床睏覺休息下, 點知... 睏到1點左右就痛醒左... 係好痛好痛... 開頭都忍住... 希望合埋眼可以睏著就唔記得左痛, 點跳之後越o黎越痛, ... 痛到我忍唔住要叫"媽咪....." 又唔敢叫得咁大聲, 驚嚇親佢地... 叫完媽咪就叫老豆... 點知兩個都無應... 我唸... 叫左都有10分鐘... 媽咪就醒左... 問我咩事, 我就話我好肚痛啦... 之後我要去廁所啦... 我連行都唔係好行得郁, 媽咪就起身幫我塗白花油, 老豆又話叫我係d梳打餅可以止痾... 但係屋企無梳打餅, 所以媽咪就搵左d芝士夾心餅, 然後幫我挖走晒d芝士, 就俾我食... 食左餅乾, 又食左粒止痛藥, 又食左兩粒止痾藥... 可能d藥未發作, 個肚痛到我有衝動想叫媽咪送我去急症室... 之後打斜咁坐o係床, 忍住痛... 朦朦朧朧之隙就好似睏著左, 但係到4點醒左, 醒既時候個肚無咁痛, 應該係d止痛藥起作用, 但係又起身痾多次, 個肚仲係不斷咕咕聲~ 一直到5點, 又起身食左粒止痾, 之後再睏... 到7點, 鬧鐘響, 唔使唸, 病一天... d止痛藥既藥效過左, 又痛過... 又去廁所... 打左好多個電話俾人, 又打左兩個同事叫佢幫我交帶一下今日要做既野... 之後又要打電話返學校請假, 打左幾次副校都未返... 唯有叫校務處既同事幫我通傳, 之後到8點3, 終於打到俾副校, 講一聲請假... 又講左咩事, 就再去廁所, 之後又睏... 今次好左少少, 可以睏到12點, 肚都無禽晚咁痛, 之前叫左媽咪幫我今朝掛號睇"多藥"醫生, 因為近, 如果唔係我會去返上水果個睇, 因為少藥d... 12點9先到我... 醫生話我係腸病毒, 即係類似腸胃炎... 我話我唔似有食錯野... 之後佢話未必係一定食錯野, 可能d野唔乾淨, 可能咁岩我附近既人有嘔過, 又或者我行經既地方有人嘔過... d菌就傳左俾我呢... 我講俾醫生聽我咩事既時候, "星期三開始唔舒服, 想嘔, 禽日下午4點嘔左一次, 痾左1次... 直至而家為止, 一共痾左14次..." 個醫生同媽咪都哇左一聲... 仲話痾左咁多一定痾左好多菌出o黎... 我今朝起身一磅... 真係輕左幾磅呢... =.="
唉~ 睇完返屋企, 即刻食媽咪煲左既"皮蛋瘦肉搖柱蠔事粥"... 好好味~ 又食左塊排包... 之後就休息... 醫生寫左3日病假俾我... 星期日可以拎返去銷假...
禽晚真係好辛苦... 真係好耐未試過唔舒服到要唸到入醫院... 今日心情就真係比較差呢... 成個人都無力, 腳軟軟... 唔想行...

posted by Mandy @ 2:04 PM