冰河世紀2 + 第五個紀念日
今日下午約左朋友同埋佢屋企人飲茶~ 不過坐果架巴士真係唔掂, 唸住貪方便, 點知搖到散左咁... 我都好少搭差唔多一個鐘既巴士係無睏到的~ 原來係好慘的... 下次都係去返遠d果度搭啦~飲完茶之後去左陪朋友同朋友既屋企人買眼鏡, 同埋驗眼~ 睇左差唔多一個鐘呢~ 最後全部都有買到, 見佢地試得咁開心, 我都心郁郁呢~ 不過我覺得自己帶眼鏡唔好睇, 所以都無睇到呢~
買完眼鏡就返屋企啦, 都差唔多6點, 睇左一陣電視, 又睇左一陣之前買既冰河世紀2, 又... 個心好似跳得好快咁... 好緊張呢... 又有d驚... 不過... 好似... 幾exciting咁... 之後就食飯啦... 食完飯又睇左陣劇集, 不過都唔好睇的, 所以睇下d雜誌, 之後就繼續睇埋套冰河世紀2, 又... 好刺激呢~ ^_^" 同埋... 好"辛苦"呢~~ 呵呵...
睇晒成套卡通片, 感覺就係好亂下, 同埋無1咁好睇, 1個故事清晰d, 連貫d... 2就做得唔係咁好~ 同埋可能... 我唔係好專心睇呢~~ ^3^
聽日要返工啦... 補課呢... 連續兩日, 上午補maths, 下午補cit... 唔知聽日有幾多個學生係記得返既呢~~
第五個紀念日: 2006年4月17日... 越o黎越多呢~~ 嘻嘻!!
posted by Mandy @ 12:18 AM
0 Comments:
Post a Comment
<< Home