Our Lives

專業制作 vs 幸福宣言 vs 天作之合

終於放復活節假期了... Yeah!!!
抱著仍然很痛的腳, 下午跟男朋友到金都又走一躺, 今次要落訂了... 之後朋友介紹的幸福宣言和天作之合, 對不起也要做一次... 那個幸xxx嘛... 真的是豈有此理!!! 呢樣又要計錢, 果樣又要計樣, 果個衰sales亞寶, 之前看相簿時, 又真的如forum上所說隱瞞自己就是我們正看著的相簿的那個攝影師Jonathan, 問到後期先說自己就是Jonathan. 佢仲好意思話唔似其他公司咁"巧立名目", 小小野都收錢, 這句話從他口中說出, 真的是個天大的笑話, 態度又麻麻, 完全是唔憂做的!! 哼!! 仲問我睇晒其他公司未, 係咪全部咁多最平果間呢... 真係氣頂...
這次我不死心, 再問一次, 那個David跟那個什麼都唔清唔楚的女sales, 態度好少少, 不過那個snapshot package, 真的是超級屈錢, 有什麼理由一定要迫人地晒相的呢? 仲要一定要500張起!! $138 / 36張, 佢都痴痴地的!! 我要做snapshot電腦相簿, 佢都仲要迫我晒相同的相, 個snapshot package已經要付錢啦, 仲要強迫人地晒d相出o黎, 還要說到好像好划算的! 完全唔掂當囉!!
最後計左個價錢出o黎, $14520!!! 我們看著那個銀碼, 其實已經打了個輸數, 因為這個攝影師是我們覺得最好的! 不過我只是想博一博, 想要他減一減價... 最後, 那個David像是皇恩浩蕩一樣, 減我們$200大元!!! 真的想罵他呢!! 氣得我真的想立即轉身就走. 最後我當然黑住口面, 說走就走! 心情大受影響, 很想在門口就大聲的罵了!!! 好在男朋友按著我... 呼呼呼....
至於天作之合, 在網上沒有很多人book, 所以不考慮了...
最後還是去訂了"專業製作", 在forum看過有很多網友訂的一間. 應該也算不錯卦... 唉... 衰就衰在沒有我們想要的攝影師, 只是二線的... 希望當日能夠順順利利啦...

posted by Mandy @ 11:59 PM