唱k + 工展會
今日約左同事去尖沙咀CEO唱K, 去到後先知佢地去錯左地方, 咁佢地就即刻趕o黎, 我同男朋友就唱住先, 唱到第3首就到啦... 有Selina兩公婆, Suki+男朋友, 亞謀, 同埋我地兩個... 都幾開心呢~ 同佢地都幾好傾... 唱左3個鐘. 之後我地一齊去買六合彩, 一千六百萬呢... 第一次夾份買... 中左兩個字... ^_^ 買完之後, 佢地就齊齊去油麻地打麻雀, 我地就去工展會啦...行返去隧道口搭102, 7點左右就到左啦... 我地拎住地圖周圍去搵印仔... 一路睇一路搵食, 又買左d特價野... 總之成袋都係食得架啦... 嘻嘻!!! 返到屋企俾媽咪話我做咩買咁多, 其實都唔係好多姐, 都少過上年, 可能只係佢地岩岩去完澳門又買左一大堆返o黎, 個櫃無位放姐... 哈哈!!!!
不過今日好似有人隻手臂好痕咁... 要打~~~ >.<
posted by Mandy @ 11:59 PM
0 Comments:
Post a Comment
<< Home