做gym一記 + 魚魚...
禽晚隻腳好鬼痛, 應該係因為我游水之前無乜做熱身... 隻腳好痛好累咁, 要平睏先好d, 個左邊背脊又有d痛...好彩今朝起身時隻腳唔痛姐... 不過背脊就仲痛痛地..
今日起身食左炒飯, 之後休息左一陣就去做gym了, 今次好快就可以開始做啦, 5個字就做得啦~ ^_^
一開始玩左30分鐘單車, 之後又玩左20分鐘運轉機, 又玩左一陣划艇, 之後又玩左爬山機, 再玩左d器械果d... 不過唔係好識玩... ^_^ 嘻嘻... 得我一個人做, 望下電視機, 又望下出面既游泳池, 好想跳出去游水呢~~ 加加埋埋應該消耗左200個Calories呢~ 運轉機消耗得最快~ ^_^ 不過好累下~ 個左邊背脊痛左d...
做左1個鐘多dd, 去換返衫, 出去飲左d凍水就走啦... 走果陣行去後面果個站, 點知離遠見到架巴士停左o係度, 咁就啦啦聲掉轉頭跑返去前面個站, 好彩趕得切, 原來最累最辛苦都係追巴士... -.-"
返到屋企食左一盒杏仁豆腐, 又食左一條綠豆雪條... 嘻嘻... 忍唔住口...
不過返到屋企有件唔開心事發生左... 就係發現兩條最大條既金魚魚睏左覺... 仲有一條奄奄一息...嗚嗚... 原來係老豆今朝換水果陣關左個氧氣, 換完水之後唔記得開返... 嗚嗚... 媽咪o係沙發合緊眼睏, 我啦啦聲叫醒媽咪, 開返著個氧氣... 果條奄奄一息既已經反轉左... 點知開返氧氣之後, 條魚個腮又郁返... 郁左一陣, 媽咪用網幫佢反轉返個身, 點知之後佢都係反返轉... 再過左一陣, 條魚打側左睏o係水面... d鰭識得慢慢郁... 再過多一陣, 佢識得自己反返轉個身啦... 好彩救得返呢條咋... 但係都已經無左兩條... ~_~ 媽咪話無左氧氣咁耐, 好彩唔係成缸都咩晒咋... 已經叫執返身彩... 嗚嗚... 老豆一返到屋企, 媽咪就幫我話左佢啦... ~_~
睇完日式麵包王, 就打電話俾朋友哭訴啦... 點知... 朋友話買返"龜仔"俾我... -.-"
posted by Mandy @ 6:16 PM
0 Comments:
Post a Comment
<< Home