Our Lives

行樓梯4

禽晚執mp3執到好夜... 好眼睏~
今日一朝早返工就開工set野, 因為今日有a level考試, 所以早會唔可以o係禮堂做, 咁就要o係羽毛球場做, 要set dv機同埋咪, 一朝起身就匆匆忙忙, 滿頭大汗啦... 最後都攪掂左~ 不過就好熱好熱, 個staff room既冷氣又未整好, 成間room好焗, 頭上既風扇係咁轉, 轉到我好眼睏... 之後就上堂啦, 最後一堂既中五cit堂, 同佢地對mock卷, 20多日之後佢地就考cit啦... 真係都幾擔心... 之後上埋中五maths, 對paper1同2, 聽日係最後一堂maths堂... 佢地返埋聽日咋... 今日plan左復活節返學校補課, 應該補兩日全日... maths上午, cit下午... 唉... 放假都放得唔安樂~
今日收到5A同學畢業晚宴既invitation card, 係5月30日, ^_^ 唸緊去唔去好~
放工返屋企行左樓梯! ^_^ 成功! 今次都幾索氣, 不過行完之後有dd開心~ 第四次啦... 之後啦啦聲沖涼~ 舒服晒!!

posted by Mandy @ 5:43 PM