罵人 + 打電話
今日一早就監考, o係hall監四個字既art, 之後上返room食麵包同埋上堂啦, 首先係上中五既cit, 同佢地測mc, 就係我禽日去ied聽talk時打既45題mc. 之後就上中五maths, 要罵人呢.. 太離譜啦~ 我真係好擔心佢地既合格率呢... 43個人有19個唔合格, 仲要係測pastpaper既section a1同a2咋喎, 理科班點可以拎呢個成績呀! 唉... 好驚... 只係罵左一陣, 因為我都唸唔到點樣罵佢地啦, 要罵既詞語都罵晒啦... 唉~~ 唔開心!上完堂就等食飯, 食飯時, 同事話我知, 佢終於約左佢d朋友去disneyland玩啦, 佢係book左兩日一夜既酒店, 佢話係四個人一間房果d喎, 好似幾正咁, 佢話唸住第一日去disneyland玩, 然後睇埋煙花, 之後就返房咁樣.. 第二朝就checkout.. 我地一路叫佢要買手信俾我地呢~ 要買winnie the pooh曲奇餅呢~ 之後佢又話會去澳門玩呢~ 我地又叫佢買脆豬肉乾同埋原粒杏仁餅呢~ 佢仲話我地似係叫佢入貨多過買手信呢~ 食完飯之後唔使上堂, 但係我要打電話俾d家長呢.. 因為我話左唔合格既人要聯絡家長. 所以我食完飯返到去就開工啦, 打左俾18個家長, 講左18次差唔多一模一樣既說話, 聽左差唔多都係果d好"行"既回答... "我今晚會同佢傾傾架啦", "係呀, 咁差呀", "咁麻煩晒你啦, 老師"..
打完晒電話, 坐一陣, "欣賞"自己張桌子, 實在係從未試過既... 亂!!! 我就快忍無可忍呢... 連我僅餘a4 size既改野地方都無埋... 我一定要搵日執執佢先!!
下午唔使上堂都攪到5點先走... 返到屋企即刻沖涼, 不過今日唔係好眼睏, 所以無睏覺, 都係啦啦聲做野啦!
朋友, 今日開始上堂啦, 唔好好似我咁上堂合眼睏呀!~ 加油!!
posted by Mandy @ 5:56 PM
0 Comments:
Post a Comment
<< Home