Our Lives

海浪聲 + 科大畢業相 + 飛鵝山 + 布袋澳

禽日中午約左朋友去尖沙咀食lunch, 之後再約左大學同學帶畢業胞返科大影畢業相, 因為佢地兩年既master歲月又渡過左啦. 約左佢地兩點, 我遲左少少去, 點知去到竟然無人... 之後同朋友去左清水灣聽海浪聲, 都幾開心呢~ ^_^
o係清水灣坐左一陣, 就再返科大lu, 去到之後終於見到朋友到左, 第一站係LG7既"天一泉", 因為我都係主角既其中一個, 所以都影左好多張, 十幾個人輪住影... 好開心.. 影完天一泉, 就去左第二站"冬菇亭", 又係影左好多張, 影左好多個combinations. 不過去到冬菇亭影相, 令到我唸起一d以前發生既野, 有開心, 有唔開心, 呢個地方, 係我以前有喊有笑既地方, 有好多既回憶... 第三站就係professor宿舍果邊既公園仔, 我都係第一次去~ 果度都幾靚, 不過由於有個同學佢要早走, 因為要趕住去台灣公幹, (好忙呢..) 所以影左一陣就走左, 同班同學癲埋一份, 佢地一行四架車, 車左我地上去第四站"飛鵝山"影相, 我都未去過呢... 不過果時已經六點啦... 天都黑黑地呢, 上到去超級凍~~ 影左一d好似晚霞既相, 就啦啦聲走啦.. 第五站去左"布袋澳"食海鮮, d野都幾好食, 不過就坐得唔係好舒服~ 食飽傾埋計都係9點左右, 之後就坐同學車返屋企lu~~
每次同呢班舊同學一齊, 都好開心的, 因為我地差唔多咩都講, 大家分享下咁~ 不過由於大家工作都忙, 所以而家都係兩三個月先約一次出o黎~
夜晚o係屋企備課, 備到好累, 又凍凍地, 我唸我有少少冷親呢~ 最後都係12點幾先睏~

今日星期一, 星期一都係比較累~ 都幾開心呢... 同d同事傾左一陣計~ 之後就返屋企睏覺lu..

posted by Mandy @ 8:19 PM