Our Lives

好唔開心.. 誤會?

今日返工, 好唔開心. 我知道同事係好意提醒我, 但係我覺得好唔舒服, 你講完之後, 我都唔係好做到野, 一路o係度唸, 我究竟係唔係做錯左決定! 我係唔係應該選擇推辭校長?! 我係唔係其實唔適合做呢類工作? 我點唸都唸唔到我究竟同左邊個人講野而令你同我講咁樣既說話. 你咁樣同我講得, 就即係你係聽到有人咁講返出o黎啦. 我唸左好耐, 之後再同朋友傾, 我真係唸唔到我係咪同左一d唔應該講既人講. 第一個係班主任partner, 而且真係有事發生左, 我先至同佢講姐. 咁應該好岩呀! 佢係班主任應該知道呀. 咁我無理由唔將我知道既野同佢講姐. 何況佢都要幫手solve個problem架嘛. 第二個應該係代課既同事, 咁佢之後要接跟住落o黎既工作, 同埋果班學生佢上年係做班主任, 同埋就係佢問我, 我先講左少少姐... 仲有, 我又唔係講到果個老師好差好差, 我只係話d學生覺得唔明之嘛... d學生覺得佢地班同學嘈果d之嘛... 我都唔算係講人地壞話呀... 至於同room果d, 我都無咩點講, 就算講, 都係同room既呻下之嘛, 唔通我呻下都唔得?! 或者係佢地跟本都信唔過? 再唸, 就可能係校園電視台既partner, 因為佢同開我講佢英文堂既情況, 咁佢問我數學堂點, 我都係講返果班同學發生既問題姐... 我都唔係講個老師點點點呀~ 再唸, 我已經唸唔到我同過邊個講啦... 二樓我一d都唔熟, 對面海就淨係點名既時候同左班主任partner講, 山頂都無啦... 可能我今日見到3e幾個同學, 佢地同我講左話上physics堂好唔明, 原本一個cycle兩堂教一個lesson, 老師就用左3個cycle教一個lesson, 同埋有差唔多成班既同學唔明舉手問既時候, 佢就回答d同學話:"如果你地唔明, 你地就記住呢d唔明啦..." 咁我今日咁岩見到panel, 唸住果科有d咁既情況, 所以同你匯報一下姐, 同埋我都無講晒呀. 只係話有同學話唔明, 同埋一個cycle既野用左三個cycle教, d學生都唔明. 我一心只係唸住匯報一下俾panel知, 之後你就答我話"咁就證明左你既能力啦..." 咁我已經幾突然點解你咁講. 我又衰多口應左你一句"唔係, 咁只係證明左佢既能力..." 我講完都有d後悔, 但係我一係一心同你講返有件咁既事, 一d咩炫耀既心都無... 我唔知你係咪咁唸. 但係我好失望, 真係好失望...

到放學後o係度做野既時候, 都好唔開心, 之後同朋友講左少少先好左少少... 但係我越來越發覺, 我同你實在好唔match.

你永遠都只信你一套　我卻要天天對你好

posted by Mandy @ 9:02 PM