Our Lives

手信 + CourseReg + Bomberman Land 3 + 11個來電

今日朋友約左我食晏, 食椰林閣, 都幾好食呢.. 我仲見到陳朱素華既校長呢.. ^_^ 朋友買左手信俾我呢.. 全部都係食得既~ 好開心呢... 有四包.. 我問點解唔返學先俾我, 佢話俾我俾多d呢... 嘻~~ 所以驚返學校俾就唔好意思~ 哈!~ 傾計都傾得幾開心~

今日下午就不停o係度做notes, 因為我唸住聽日返學校print埋佢, 然後拎出去印呢~ 有dd驚趕唔切~ 仲有, 今日係cityu既第一日course reg, 所以下午除左做notes之外, 仲一路同朋友o係度睇d course, 唸住讀邊d等等... 不過我同朋友砌唔到同一日返呢... 唉... 一齊返開心d嘛~ 仲有, 無聊得滯既時候就睇下d professor既樣, 個個department都睇下, 如果靚仔/靚女既就take o黎試下.... 哈~

之後到左夜晚7點半, cityu個network唔係好掂.. 踏正7點半, 個network慢到嘔, 攪到我唔可以第一時間reg, 雖然有幫我pre-reg到, 咁我見到有一科係100% coursework, 所以都想take下, 唔掂既咪之後先drop囉... 我都驚take唔到, 之後o係度狂refresh, 因為佢成日都話system temporarily unavailable... refresh到8點半先得... 激死~ 我而家reg左三科呢~ pre-reg果兩科係"Applied Partial Differential Equations"同埋"Computational Linear Algebra", 我自己add既就係"Statistical Methods in Science and Technology", 唔知好唔好讀呢... pre-reg果兩科就40% coursework, 60% examination... 都驚驚地~

夜晚偷左少少時間出o黎玩之前買左既bomberman land 3, 等餐飽, 有乜理由要迫人地睇晒d introduction架... 仲要係d公仔一個一個咁講野, 要按"O"先可以出下一句果d, 不過都算幾好玩~ 同埋d公仔好靚呢, 都不枉我等你咁耐~~

夜晚臨睏前, 我習慣都會睇下屋企電話既來電顯示, 竟然發現.... 25個record入面, 有11個係你o黎既.... 仲要全部都係今日的!!

posted by Mandy @ 11:59 PM